1 Samuel 23:27 - Maung A Balita Biblia

²⁷ Balet sinmabiy sakey ya ibabaki tan kuantod kinen Saul, “Pawil kayon tampol! Lolooban na saray Filisteo so bansa!”

Maung a Balita Biblia

²⁷ Balet sinmabiy sakey ya ibabaki tan kuantod kinen Saul, Pawil kayon tampol! Lolooban na saray Filisteo so bansa!

1 Samuel 23:27 Referans Kwoze

2 Saray Arari 19:9

Nadngelan na impirador na Asiria a diad panangipangulo nen Ari Tirhaca na Etiopia onsasabi ray sondalon ondogpad sikato, kanyan nansulat ed kinen Ari Ezekias

Puyan 12:16

Balet tinulongay dalin imay bii; sinmangiy dalin tan ininom toy danum ya imbogay dragon.

Saray Salmo 116:3

Walad kaliber-liber ko so kaatapan na patey, manasingger ed siak so patit na lobuk; napno ak na takot tan paga.

1 Saray Awaran 14:13

Ag abayag pinawil na saray Filisteo imay patar tan ginapwan da lamet so nandederal.

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

Genesis 22:14

Inngaran nen Abraham iman a pasen na “Say Katawan so Mangiter.” Tan anggad natan, ibabalikas na totoo, “Mangiter so Katawan diad palandey to.”

1 Samuel 23:26

Si Saul tan saray totoo to et wala rad sakey a dapag na pokdul, balet si David tan saray totoo to et wala rad biek a dapag to man a pokdul. Maganat dan ibabatikan si Saul tan saray totoo to, ta manasingger la rad sikara tan ngalngali la ra nadakep.

1 Samuel 23:28

Kanyan tinondaan ton inosilan si David tan linman akilaban ed saray Filisteo. Lapud saya, atawag iman a pasen na Pokdul a Nansianan.

1 Samuel 27:10

a manepet ed sikato, “Iner so nandogpaan mo natan?” Si David ibaga tod sikaton nanlapud sagur na Juda, odino diad lugar na tribu nen Jerameel, odino diad lugar a panaayaman da ray Cineo.