1 Samuel 23:23 - Maung A Balita Biblia

²³ Anap yo ray petepeteg a pasen a panaamutan to, insan ki dia ompawil a tampol a mangibagad siak. Et no wadman nid saman a pasen, laen kon anapen ed anggan intiron dalin na Juda.”

Maung a Balita Biblia

²³ Anap yo ray petepeteg a pasen a panaamutan to, insan ki dia ompawil a tampol a mangibagad siak. Et no wadman nid saman a pasen, laen kon anapen ed anggan intiron dalin na Juda.

1 Samuel 23:23 Referans Kwoze

Marcos 14:1

Duay agew labat la natan kasakbayan na Pista na Paskua tan pista na Tinapay ya Anggapoy Libadura. Saray manonan papari tan saray iskriba manaanap iray pankanawnawan mangerel a maamut ed kinen Jesus, insan da pateyen.

Mikias 5:2

Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Probirbio 1:16

Magangganat iran manggaway kaogsan. Mammainomay day mamatey.

1 Saray Arari 18:10

Diad ngaran na mabilay a Katawan a Dios mo, sambaan ko ya impaanap ka na ari ed anggad iner a sokung na mundo. Diad inerman a baley ya impakapangibagaan ya andi kad man, impansamba toy pangulod saman a pasen ya ag da kad man narumog.

Saray Bilang 10:36

Kapag ontonda, ikuanen Moises, “Katawan, pawil ka pad saray libo-libon pamilya na Israel.”

1 Samuel 23:22

Laka yo tan palinew yo nin maminsan; anap yo no iner so talagan kawalaan to tan no siopay akanengneng ed sikatod man. Nadngelan kon masilib a maung.

1 Samuel 23:24

Kanyan amawil irad Zif tan akaona la ra nen si Saul. Si David tan saray totoo to et wala rad kalawakan na Maon, diad nisolinek a patar a nisagur na kalawakay Juda.

1 Samuel 24:11

Nengneng mo, ama, nengneng mo yay sankabembenan kon parti na saloy na kawes mo! Apatey ta ka la komun, balet saya labat lay ginerger ko. Diam nanengneng ya anggapoy kanunutan kon onlaban ed sika o pasakitan ka. Aanapen mo ak a pateyen anggaman ya anggapoy ginawak a maoges ed sika.

Saray Salmo 10:8

Amut-amut ed saray bario, tan diman to tatalaranan a pateyen iray totoon anggapoy kasalanan. Sisiimen to ray totoon pakaskasi;

2 Saray Arari 6:13

Ingganggan na ari, “Anap yo no iner so kawalaan to, ta paerel ko.” Nen nibagad sikaton walad Dotan si Eliseo,