1 Samuel 22:7 - Maung A Balita Biblia

⁷ kanyan kuantod saray opisyal to, “Dengel kayo, totoo na Benjamin! Say abaloan yo sirin ya itdan kayo nen David na saray alog tan kaubasan, tan gawaen to kayon opisyal na saray sondalo!

Maung a Balita Biblia

⁷ kanyan kuantod saray opisyal to, Dengel kayo, totoo na Benjamin! Say abaloan yo sirin ya itdan kayo nen David na saray alog tan kaubasan, tan gawaen to kayon opisyal na saray sondalo!

1 Samuel 22:7 Referans Kwoze

1 Saray Arari 12:16

Nen abirbir na saray totoo ya ag ira dengelen na ari, inmeyag ira, “Anggapo lay pibibiang tayod kinen David tan say pamilya to. Antoy ginawa ran para sikatayo? Totood Israel, onsempet ti la! Akaoley lad sikaton dili si Roboam!” Kanyan sinmempet lan amin iray totood Israel.

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Isaias 11:1

Saray manarin kabyangay boleg nen David et singa ra sakey a kiew ya abatang; balet onung a saray balon sanga et onsibual irad sengeg ya amatangan, ontan met a sakey a balon ari so onletaw ed saray kabyangay boleg nen David.

2 Samuel 20:1

Nibanan wadman ed Gilgal so sakey a toon andi-kakanaan a si Seba a lakin anak nen Bicri, tan kabyangan na tribu nen Benjamin. Pinaknul toy trumpita tan ineyag to, “Anggapoy pibabali mid kinen David ya anak nen Jesse. Ag kami ontombuk ed sikato! Lalakin taga Israel, onsempet ti la!”

1 Samuel 25:10

tan inmebat a siansiay Nabal ed sikara, “David? Siopa tan a too? Natad sayan panaon, amayamay iray aripen ya ibabatikan da ray amo ra!

1 Samuel 22:13

Tinepet nen Saul, “Akin et pankokomplutan yo ak nen David? Akin et initdan moy nakan tan sakey ya ispada, tan impanonan mod Dios? Natan sinumlang to ak tan manaalagar na pankanawnawan pamatey tod siak!”

1 Samuel 22:9

Si Doeg a taga Edom et manalalagey diman a kaiba na saray opisyal nen Saul, tan inkuanto, “Anengneng koy David nen linmad kinen Ahimelec ya anak nen Ahitub diad Nob.

1 Samuel 20:30

Ampetang so olo nen Saul ed kinen Jonatan tan kuantod sikato, “Anak kay maoges tan mananumpan bii! Amtak la natan a pipilaan moy David, tan papabandayen moy sikan dili tan si inam!

1 Samuel 20:27

Diad ontombuk ya agew, say agew kayariy Pistay Balon Bulan anggapo niy akayorung ed pasen nen David, kanyan tinepet tod kinen Jonatan, “Akin et ag dia angay David karuman tan natan?”

1 Samuel 18:14

tan maaligwas ed amin a ginawa to, ta walad sikato so Katawan.

2 Samuel 18:1

Impantitipon nen David iray amin a totoo to, insan ginawa to ran pigaran grupo, na tonggal libo tan tonggal lasus, tan wala ray opisyal ya impasen ton mangipangulod balang grupo.

1 Saray Awaran 12:16

Aminsan linmad tirinsiran kawalaan nen David so sakey ya olup na lalakin kabyangan iray tribu di Benjamin tan Juda.