1 Samuel 22:17 - Maung A Balita Biblia

¹⁷ Insan inkuantod saray guardian manalalagey ed abay to, “Patey yo ray papari na Katawan! Akikomplut irad kinen David tan ag da imbagad siak a batik, anggaman ya amta ra.” Balet anggapod saramay guardia so angigalaw na lima ton mamatey ed saray papariy Katawan.

Maung a Balita Biblia

¹⁷ Insan inkuantod saray guardian manalalagey ed abay to, Patey yo ray papari na KATAWAN! Akikomplut irad kinen David tan ag da imbagad siak a batik, anggaman ya amta ra. Balet anggapod saramay guardia so angigalaw na lima ton mamatey ed saray papariy KATAWAN.

1 Samuel 22:17 Referans Kwoze

Exodo 1:17

Balet sarayan manamianak, lapud walay takot dad Dios, ag da inonur imay ingganggan na ari ed sikara; ag da pinatey iray ogogaw a lalaki.

1 Samuel 14:45

Balet inkuan na saray totoo ed kinen Saul, “Pateyen kasi si Jonatan ya angipanguloy impanalo na Israel? Andi! Isipan mid mabilay a Katawan ya ag naandi so anggan saksakey a buek nen Jonatan. Tinulongan na Dios ed ginawa tod sayan agew.” Kanyan saray totoo impaliis day Jonatan ed ipapatey.

Saray Gawgawa 4:19

Balet inmebat ira di Pedro tan Juan, “Sikayo lan diliy manintinsia no dinay maptek ed arap na Dios: say pangonur ed sikayo, o say pangonur ed Dios.

2 Saray Arari 10:25

Kayariy impangibagat nen Jehu, inkuantod saramay guardia tan saramay opisyal, “Loob ki la, ta patey yo ran amin; ag kayo mamapabatik na anggan sakey!” Linmoob iran sankabembenan day ispada, pinatey da ran amin, insan da inggagayugoy ed paway iray bangkay. Linma rad sankadaleman na timplo,

1 Saray Arari 18:4

et nen papateyen nen Jezebel iray propita na Katawan inala toy sanlasus ed sikara, pinaamut to ran alimamplo ed saray ongib, tan iniitdan to ray tagano tan nainom.)

1 Saray Arari 1:5

Si Adonias ya anak di David tan Hagit et yogtan nen Absalom tan mapalaloy inkaguapo ton laki. Ag balut apampasnukan nen David, tan pirawat toy magmaliw ya ari. Angiparaan la na saray ikana ton karwahi tan saray kabayo tan limamplon lalaki a mangolup ed sikato.

2 Samuel 15:1

Kayari to ya, angalay Absalom na sakey a karwahi tan pigaran kabayo, tan limamplon sondalo ya ombatik ed onaan to.

1 Samuel 25:17

Nudnunot mo ya natan sirin no antoy nepeg yon gawaen. Nayarin maoges so nagawad amo mi tan say intiron pamilya to. Maonganget, kanyan anggapoy dengelen to!”

1 Samuel 22:13

Tinepet nen Saul, “Akin et pankokomplutan yo ak nen David? Akin et initdan moy nakan tan sakey ya ispada, tan impanonan mod Dios? Natan sinumlang to ak tan manaalagar na pankanawnawan pamatey tod siak!”

1 Samuel 20:33

Lapud saya, pinika nen Saul si Jonatan, ta labay ton pateyen; atalusan nen Jonatan a talagan getma nen ama to a patayen si David.

1 Samuel 8:11

Impaliwawa to, “Onyay panoley ed sikayo na ari yo: Pagmaliwen ton sondalo ray anak yon lalaki; manlogan iray arum ed saray karwahi ton para bakal, mankabayo ray arum, tan mambatik iray arum diad onaan da ray karwahi to.

1 Samuel 2:31

Dengel ka, onsabi la so panaon a pateyen ko ray babalolakin kabyangay pamilyam tan boleg mo, pian anggapoy ontakken a lakin kabyangay pamilyam.

1 Samuel 22:16

Inkuan na ari, “Ahimelec, nepeg ya ompatey ka tan amin a kakanayon mo.”

1 Saray Arari 14:27

Nanggaway Ari Roboam na pigaran gansan samper ya isalat tod saramay balituk a samper, insan to ra impalima ed saray opisyal a makaoley ed saray guardia na saray puirta na palasio.