1 Samuel 22:16 - Maung A Balita Biblia

¹⁶ Inkuan na ari, “Ahimelec, nepeg ya ompatey ka tan amin a kakanayon mo.”

Maung a Balita Biblia

¹⁶ Inkuan na ari, Ahimelec, nepeg ya ompatey ka tan amin a kakanayon mo.

1 Samuel 22:16 Referans Kwoze

Probirbio 28:15

Pakaskasi ray mairap-bilay ed silong na maoges a manoley; aliling toy mangwam a lion odino liber-liber ya aso.

Saray Gawgawa 12:19

Impaanap nen Herodes si Pedro, et nen ag da naalmo, tinepetan to ra may guardia, insan to ra impapatey. Kasumpal to ya, si Herodes a walad Judea linmad Cesarea, tan nanayam diman.

Mateo 2:16

Nen akabatan nen Herodes a niluko na saramay makakabat a totoo, agaylay pasnuk to. Lapud petang na olo to, ingganggan to a pateyen iray ogogaw a lalaki ed Betlehem tan diad saray kaliber-liber a pasen. Impapatey to ray amin ya ogogaw a lalaki, manlapud duay taon a mampaleksab, onung ed panaon na inletaw na bitewen a naamtaan tod saramay makakabat a totoo.

Daniel 2:12

Lapud sayan imbaga ra, mapalaloy impakapasnuk na ari tan ingganggan ton pateyen ya amin iray sumisimbaway ari a walad Babilonia.

Daniel 2:5

Inkuan na ari ed sikara, “Tinibokel ko lad kanunotan ko a nepeg ya ibaga yod siak so kogip, insan yo ibagay kabaliksan to. No ag yo nibaga, tartaren ta kayo tan deral-deralen koy kaabungan yo.

Ester 3:6

Nen akabatan to met a sakey a Judio si Mardokeo, ginetma to, ya ag to labat dusaen si Mardokeo no ag ingen pateyen iray amin a Judio a walad intiron Impirio na Persia.

1 Saray Arari 19:2

Impaikuanen Jezebel ed kinen Elias: “Pateyen ak komun na saray diriyos no diad onyan oras nabwas et ag ko gawaen ed sika so singa ginawam ed saray propita.”

1 Saray Arari 18:4

et nen papateyen nen Jezebel iray propita na Katawan inala toy sanlasus ed sikara, pinaamut to ran alimamplo ed saray ongib, tan iniitdan to ray tagano tan nainom.)

1 Samuel 20:31

Ag mo ta amtan no mabilay si David et ag kan balut magmaliw ya ari ed sayan bansa? Laka, ta awit mo dia—nepeg ya ompatey!”

1 Samuel 14:44

Inmebat si Saul ed sikato, “Pateyen ak komun na Dios no ag ta ka papatey!”

Deuteronomio 24:16

“Ag nepeg a pateyen iray ateng lapud kasalanan a ginawa na saray anak da, tan ag nepeg a pateyen iray anak lapud saray kasalanan a ginawa na saray ateng da; say sakey a too nepeg a pateyen lapud kasalanan a sikaton diliy nanggawa.

1 Samuel 22:15

On, impanonan kod Dios, tan amimpiga la yan ginawak. No nipaakar ed pankokomplut ya ibabagam, ag mo ak aakusaen tan say siopaman ed pamilyak. Anggapoy pakapikabat kod sayan pamaakaran!”

1 Samuel 22:17

Insan inkuantod saray guardian manalalagey ed abay to, “Patey yo ray papari na Katawan! Akikomplut irad kinen David tan ag da imbagad siak a batik, anggaman ya amta ra.” Balet anggapod saramay guardia so angigalaw na lima ton mamatey ed saray papariy Katawan.