1 Samuel 20:2 - Maung A Balita Biblia

² Inmebat si Jonatan, “Ag iyabuloy na Dios ya ompatey ka! Ibabaga na amak so amin a gagawaen da, makabaliksan man o andi, tan akin et iyamut da yad siak? Anggapoy katwaan to!”

Maung a Balita Biblia

² Inmebat si Jonatan, Ag iyabuloy na Dios ya ompatey ka! Ibabaga na amak so amin a gagawaen da, makabaliksan man o andi, tan akin et iyamut da yad siak? Anggapoy katwaan to!

1 Samuel 20:2 Referans Kwoze

Juan 17:8

Inter kod sikaray salitan inter mod siak tan inawat da. Amta ra lan nanlapu ak a tua ed sika, tan sinisia ran imbaki mo ak.

1 Samuel 9:15

Diad agew kasakbayan na insabi nen Saul, say Katawan inkuantod kinen Samuel,

1 Samuel 20:12

tan inkuanen Jonatan ed kinen David, “Say Katawan a Dios na Israel komun so tasi ta! Diad onyan oras nabwas tan diad ontombuk ya agew tepetan koy amak. No maung lay linawa tod sika, paipakabat kod sika.

1 Samuel 14:45

Balet inkuan na saray totoo ed kinen Saul, “Pateyen kasi si Jonatan ya angipanguloy impanalo na Israel? Andi! Isipan mid mabilay a Katawan ya ag naandi so anggan saksakey a buek nen Jonatan. Tinulongan na Dios ed ginawa tod sayan agew.” Kanyan saray totoo impaliis day Jonatan ed ipapatey.

Josue 22:29

Anggapon balut so getma min onsumpad Katawan odino ontonda kamin ontombuk ed sikato diad panggawa miy sakey ya altar a pangisaklangan mi na saray bagat a para kareenan odino saray bagat a trigo odino arum ni ran bagat. Ag mi kaduaan imay altar a walad arap na Tuldan Ayaman to.”

Genesis 44:7

Inmebat ira, “Antoy labay mon ibaga diad pansasalitam na ontan? Sambaan mi ya ag mi ginawa tay ibabagam.

Juan 15:15

Ag ta ki la ipapasen ya aripen natan, ta ag kabat na aripen so gagawaey katawan to. Ipapasen ta ki lan kakaaro, lapud impaamtak ed sikayo ray amin a nadngel kod Amak.

Lucas 20:16

“Onlan papatey to ra man a totoo, insan to ipaasikasoy kaubasan ed saray arum.” Nen nadngel ya na saray totoo inkuanda, “Ag komun nagawa tan!”

Isaias 50:5

Say Katawan initdan to ak na pakatalus, et ag ak linmaban ed sikato odino inarawian ko.

Saray Salmo 40:6

Ag mo labay iray bagat tan saray saklang; ag mo kekerewen iray bagat a popoolan o saray bagat a para kasalanan. Initdan mo ak ingen na layag a pandengel kod sika,

Josue 24:16

Inmebat iray totoo, “Ag min balut taynan so Katawan pian makapanlingkur kamid arum a diriyos!

1 Samuel 20:1

Insan tinmaynan si David manlapud Nayot, diad Rama, linmad kinen Jonatan tan kuantod sikato, “Antoy ginawak? Antoy kasalanan ko? Antoy maoges a ginawak ed kinen amam a pamateyan tod siak?”

1 Samuel 20:3

Balet inmebat si David, “Kabkabat nen amam so ontan lan panangarom ed siak, kanyan ginetma to lan iyamut ed sikay gawaen to, pian ag ka nasakitan a maung. Sambaan kod sika diad ngaray mabilay a Katawan a wala ak lad sangabay lobuk!”

Probirbio 29:24

Say manonan kalaban na kaibay matakew et say sikaton dili. Nadusa no ibaga tod korti so katwaan, balet isamba na Dios no ag to ibagay katwaan.