1 Samuel 2:23 - Maung A Balita Biblia

²³ Kanyan inkuantod sikara, “Akin et gagawaen yo ra yan bengatla? Ibabagad siak na amin a totoo so nipaakar ed saray maoges a gagawaen yo.

Maung a Balita Biblia

²³ Kanyan inkuantod sikara, Akin et gagawaen yo ra yan bengatla? Ibabagad siak na amin a totoo so nipaakr ed saray maoges a gagawaen yo.

1 Samuel 2:23 Referans Kwoze

FILIPOS 3:19

Kaderalay pansumpalan da, ta gagawaen dan diriyos da ray pilalek na laman da. Say nepeg da komun ya ibaing so ipapasirayew da, tan saray mangaraldalin a bengatla so nununoten da.

Saray Gawgawa 14:15

“Sikayon totoo, akin et gagawaen yo ya? Totoo kami met a kapara yo! Impupulong mid sikayoy Maung a Balita, pian nalingwanan yo la ra yan andi-kakanaan a bengatla tan ondago ki lad mabilay a Dios ya amalsay tawen, dalin, tan dayat, tan amin a logan da ra ya.

Saray Gawgawa 9:4

Apaktak tan nipasobsob ed dalin, insan nadngel toy bosis a nankuan ed sikato, “Saulo, Saulo, akin et papairapen mo ak?”

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Jeremias 3:3

Sikato yay makasengeg no akin et ag onoran, tan anggan panaon lay nepnep et anggapo niy napelag ya oran. Singa marotak a bii so nengneng mo; anggapoy kababaingan mo.

Isaias 3:9

Nisingil ed sikara so panaglabi ra. Maparontal iran mankakasalanan a singa impankasalanan na saray totood Sodoma. Pangaskasiyan ira. Sikara met ni lamlamang so nanlapwan na pakadusa ra.

1 Samuel 2:22

Masikesiken la natay Eli. Naynay ton narerengel iray amin a bengatlan gagawaen na saray lalakin anak to ed saray Israelita, tan anggan say pipiakdul dad saray bibiin mankikimey ed puirta na Tuldan Ayamay Katawan.

1 Samuel 2:24

Tondaan yo anak ko. Mabambanday yan tongtongtongen na saray totoo na Katawan!