1 Samuel 19:10 - Maung A Balita Biblia

¹⁰ Si Saul pinika ton ipanek ed padir si David, balet akalikir si David, kanyan nipanek ed dingding imay pika. Batik si David tan tinmaynan.

Maung a Balita Biblia

¹⁰ Si Saul pinika ton ipanek ed padir si David, balet akalikir si David, kanyan nipanek ed dingding imay pika. Batik si David tan tinmaynan.

1 Samuel 19:10 Referans Kwoze

1 Samuel 20:33

Lapud saya, pinika nen Saul si Jonatan, ta labay ton pateyen; atalusan nen Jonatan a talagan getma nen ama to a patayen si David.

1 Samuel 18:11

“Ipanek kod padir,” kuanen Saul ed sikaton dili, tan pinika ton amidwa; balet alikiran iran dua nen David.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Juan 10:39

Sinali ra lamet ya erelen, balet imbatikan to ra.

Lucas 4:30

Balet linmabas ed pegley da, tan linma la.

Mateo 10:23

No pairapen da kayod sakey a baley, batik kayod sananey. Kuankod sikayo: kasakbayan a naakar yoy amin a baley na Israel, onsabi lay Anak na Too.

Oseas 6:4

Balet say Katawan kuanto, “Israel tan Juda, antoy gawaen kod sikayo? Say panangaro yod siak et nanaandipat a singa kakaandipat na kelpad kabwasan; singa linaew a nanaandipat ed kabkabwasan.

Isaias 54:17

Balet anggapoy armas a makapasakit ed sika; walay niebat mo ed amin a mangakusa ed sika. Iyagel ko ray aripen ko tan panaloen ko ra.” Say Katawan so nansalita.

Saray Salmo 124:7

Akabatik itayon singa manok a nablus ed patit; apultot so patit, tan nablus itayo!

Saray Salmo 34:19

Amayamay iray gunigon a paniirapay toon matonung, balet say Katawan ilalaban tod amin a gunigon to;

Saray Salmo 18:17

Inyagel to ak ed saray makapanyarin kalaban ko, tan amin da ray mamobosul ed siak, Ta ag ko nayariay ontan lan inkabiskeg da!

1 Samuel 19:6

Dinengel nen Saul si Jonatan tan sinambaan tod ngaran na Katawan ya ag to la pateyen si David.

Saray Hebreo 11:34

ineerep day manliub ya apoy, tan nililiktaran day ipapatey ed ispada. Kinmakapoy ira, balet nagmamaliw iran mabiskeg; makapanyari rad bakal tan tinatalo da ray sondalo na saray arum a bansa.

Probirbio 1:16

Magangganat iran manggaway kaogsan. Mammainomay day mamatey.

1 Samuel 18:10

Diad ontombuk ya agew linmoob ed kinen Saul so maoges ya ispiritu a nanlapud Dios, kanyan manitaw a singa ambagel ed abung to. Manotogtog si David, na arpa, a singa gagawaen ton inagew-agew, tan sankabembenan nen Saul so pika.

Saray Salmo 37:32

Babantayan na toon maoges so maung a too tan sisiliban ton pateyen;