1 Samuel 18:7 - Maung A Balita Biblia

⁷ Diad panliliket da, anganta ray bibii. “Si Saul amatey na nilibo, balet si David amatey na asamplon libo.”

Maung a Balita Biblia

⁷ Diad panliliket da, anganta ray bibii. Si Saul amatey na nilibo, balet si David amatey na asamplon libo.

1 Samuel 18:7 Referans Kwoze

1 Samuel 21:11

Inkuan na saray opisyal na ari ed kinen Akis, “Aliwa tan sikato ya may David, say ari na bansa to? Sikato ya may lakin totokuyen na saray bibii ed kakantaen da legan dan mansasayaw, ‘Si Saul amatey na nilibo, balet si David amatey na asamplon libo.’”

1 Samuel 29:5

Sikato ya may David a totokuyen na saray bibii ed kakantaen da legan dan mansasayaw, ‘Si Saul amatey na nilibo, balet si David amatey na asamplon libo.’”

Exodo 15:21

Et si Miriam kinantaan to ra: “Kantaan yoy Katawan, lapud mapagalang ya impanalo to; imbabantak tod dayat iray kabayo tan saray akakabayod sikaran totoo.”

2 Samuel 6:5

Si David tan amin ya Israelita et nansasayaw tan nankakanta ra ed anggaay nayarian da a pangigalang ed Katawan. Nantotogtog iray arpa, saltirio, tambul, tamborin, tan piangpiang.

2 Samuel 18:3

“Ag ka nepeg a milad sikami,” ebat da. “Anggapoy walad saray kalaban no bilang ombatik kamin amin, odino anggan napatey so kapalduad sikami; balet aliling moy samplon libo ed sikami. Kanyan magmaung ni no natilak ka diad siudad tan ipawit mo lay tulong ed sikami.”

1 Samuel 21:12

Atenyeg so liknaan nen David lapud sarayan salita, tan tinmakot a maung ed kinen Ari Akis.

2 Samuel 23:1

Si David a lakin anak nen Jesse et sikatoy ginawa na Dios a matalonggaring, pinili na Dios nen Jacob a manari, tan sikatoy nanggawa na saray marakep a kanta a para Israel. Nia ray kaonuran a salita nen David: