1 Samuel 18:25 - Maung A Balita Biblia

²⁵ et si Saul ingganggan to ran mangibaga ed kinen David: “Say labay labat na ari ya ibayar mod sikato pian naasawam so marikit to et say baog na ngoroy kayaryan na sanlasus ya inatey a lalakin Filisteo, pian makabawid saray kalaban to.” (Onyay inisip nen Saul a pagawa; pian napatey na saray Filisteo si David.)

Maung a Balita Biblia

²⁵ et si Saul ingganggan to ran mangibaga ed kinen David: Say labay labat na ari ya ibayar mod sikato pian naasawam so marikit to et say baog na ngoroy kayaryan na sanlasus ya inatey a lalakin Filisteo, pian makabawid saray kalaban to. (Onyay inisip nen Saul a pagawa; pian napatey na saray Filisteo si David.)

1 Samuel 18:25 Referans Kwoze

1 Samuel 18:17

Insan inkuanen Saul ed kinen David, “Niay Merab, say anak kon sankapangulowanan a bii. Iter kod sikan asawaen mo, dapot no masebeg tan matoor kan sondalo a manlingkur ed siak, tan milaban kad saray bakal na Katawan.” (Ginawa ya nen Saul, ta abaloan ton diad onya napatey na saray Filisteo si David, et aliwa lan sikaton dili so mamatey.)

1 Samuel 14:24

Diad saman ya agew makapkapoy ed eras iray Israelita, ta walay ganggan nen Saul ed sikara. Sinambaan tod sikara, “Nisamba so toon mangan ed sayan agew, kasakbayan a makabawi ak ed saray kalaban ko.” Kanyan anggapoy angan ya anggan sakey ed sanagew.

Genesis 34:12

Ibaga yod siak no anto ray labay yon irigalok, tan no pigay labay yon ibayar ko; iter koy antokaman a kerewen yo, dapot no paasawa yod siak si Dina.”

1 Samuel 17:36

Akapatey ak la na saray lion tan saray uso, tan pateyen ko met iman a Filisteo a manasagyat a milaban iray sondalo na mabilay a Dios.

1 Samuel 17:26

Tinepet nen David ed saray totoon asingger ed sikato, “Antoy nagamuran na toon makapatey ed sayan Filisteo tan makapangipaliis ed kababaingan na Israel? Ta siopa ta yan paganon Filisteo et sagyaten ton milaban iray sondalo na mabilay a Dios?”

Josue 5:3

Sinumpal nen Josue imay ingganggan na Katawan, kanyan sinegat to ray Israelita diad pasen a tatawagen na Pokdul a Nansegatan.

Genesis 29:18

Walay panibeg nen Jacob ed kinen Raquel, kanyan inkuanto, “Manlingkur ak ed sikayo a pitoy taon, no paasawa yod siak si Raquel.”

1 Samuel 18:24

Saray opisyal imbaga rad kinen Saul so ebat nen David,

2 Samuel 3:14

Angibaki met na pigaran totoo ed kinen Isboset tan impaikuanto, “Ipawil mod siak si asawak a Micol. Nambayar ak na sanlasus a ngoroy baog na kayaryan na saray Filisteo, pian naasawak.”

1 Samuel 19:1

Imbaga nen Saul ed kinen anak ton Jonatan tan saray amin ya opisyal to a getma ton pateyen si David. Balet inararo nen Jonatan si David,