1 Samuel 17:53 - Maung A Balita Biblia

⁵³ Nen amawil iray Israelita, kayari ran inoosilan iray Filisteo, inaala ray antokaman a walad kampo ra.

Maung a Balita Biblia

⁵³ Nen amawil iray Israelita, kayari ran inoosilan iray Filisteo, inaala ray antokaman a walad kampo ra.

1 Samuel 17:53 Referans Kwoze

Jeremias 30:16

Balet natan, nabwag ya amin iray mambubuag ed sikayo; naalan priso iray amin a kalaban yo. Napairap ya amin iray mamapairap ed sikayo, nasamsaman ya amin iray manasamsam ed sikayo.

Jeremias 4:20

Mantotombukan so nagagawan panagderal; aderal-deral so intiron bansa. Biglan aderal iray tuldak; apilat-pilat iray kurtina ra.

1 Samuel 17:52

Inoosilan ira na saray totoo ed Israel tan Juda; naneeyag ira tan inoosilan da ra ya anggad Gat tan saray puirta ed Ecron. Saray Filisteo kibalatar iran sugatan ed dalan a mamaarap ed Saaraim ya anggad Gat tan Ecron.

1 Samuel 17:54

Inala nen David so olo nen Goliat tan inawit tod Jerusalem, balet insinop tod tulda to ray armas nen Goliat.

1 Samuel 19:5

Imposta toy bilay to nen pinatey toy Goliat, et baleg so pananalon inter na Katawan ed Israel. Nanliket kayo nen anengneng yo yan pananalo. Akin, sirin, et labay yoy manggaway kaogsan ed toon anggapoy kasalanan diad pamatey yod kinen David ya anggapon balut so makasengeg?”

2 Samuel 23:10

balet ag inmalis si Eleazar tan nilabanan to ray Filisteo ya anggad inkelat a maung na taklay to, kanyan ag to la naikbanan so ispada to. Diad saman ya agew, balbaleg so impanalo na Katawan. Kayariy bakal, pinmawil iray Israelita ed kawalaan nen Eleazar tan inaala ray armas na saray inaatey.