1 Samuel 17:50 - Maung A Balita Biblia

⁵⁰ Kanyan, anggan anggapoy nikanan ispada, tinalo nen David si Goliat, tan pinatey to ed panamegley na bansut tan sakey a bato!

Maung a Balita Biblia

⁵⁰ Kanyan, anggan anggapoy nikanan ispada, tinalo nen David si Goliat, tan pinatey to ed panamegley na bansut tan sakey a bato!

1 Samuel 17:50 Referans Kwoze

Saray Huis 15:15

Insan akarumog na pokel na saray pangal na asno ya agano nin inatey. Ginawat ton inala, tan sikatoy impamatey to na sanlibon Filisteo.

1 Samuel 23:21

Inmebat si Saul, “Bindisionan kayo komun na Katawan lapud mapangasi kayod siak!

1 Samuel 21:9

Inmebat si Ahimelec, “Walad siak so ispada nen Goliat a Filisteo a pinatey mod Patar na Ela; wadmad beneg na ipod, abalkut ed abel. No labay mo, alam—sikato labat so armas a wadya.” “Anggapo lay arum a miparad satan,” inkuanen David. “Iter mod siak!”

1 Samuel 17:39

Imbalkes tod tapew na kawes ton para bakal so ispada nen Saul tan sinali toy onakar, balet ag to nayarian, ta ag to ra pasal ya isolung. Inkuantod kinen Saul, “Ag ak makapilaban no walad siak ira ya. Ag ko ra pasal.” Kanyan inekal to ran amin.

1 Samuel 13:22

Kanyan diad agew na bakal anggapod saray Israelitan sondalo, likud ed kinen Saul tan si anak ton Jonatan, so walay ispada odino pika.

Saray Huis 3:31

Si Samgar a lakin anak nen Anat so tinmombuk a pangulo. Inyagel to met so Israel diad impamatey to na anem a lasus a Filisteo diad panamegley na baston a panagdagdag na baka.

1 Samuel 17:49

Kinaut toy supot to tan angalay sakey a bato, insan to imbansut ed kinen Goliat. Nakna tod moling, nabtag so lapis-lapis na olo to, tan atumban tikleb ed dalin.

1 Samuel 17:51

Binatik to, nanalagey ed abay to, inoyus toy ispada nen Goliat, tan pinatey to, insan to pinotutay olo. Nen anengneng na saray Filisteo ya inatey so palbayani ra, kibatiktik ira.

1 Samuel 19:5

Imposta toy bilay to nen pinatey toy Goliat, et baleg so pananalon inter na Katawan ed Israel. Nanliket kayo nen anengneng yo yan pananalo. Akin, sirin, et labay yoy manggaway kaogsan ed toon anggapoy kasalanan diad pamatey yod kinen David ya anggapon balut so makasengeg?”