1 Samuel 16:4 - Maung A Balita Biblia

⁴ Ginawa nen Samuel so imbaga na Katawan a gawaen to. Linmad Betlehem, a diman inabet na saray manggiwgiw a panguloy siudad tan tinepet da, “Mangiter kasiy kareenan yan imbisitam, managparles?”

Maung a Balita Biblia

⁴ Ginawa nen Samuel so imbaga na Katawan a gawaen to. Linmad Betlehem, a diman inabet na saray manggiwgiw a panguloy siudad tan tinepet da, Mangiter kasiy kareenan yan imbisitam, managparles?

1 Samuel 16:4 Referans Kwoze

1 Saray Arari 2:13

Aminsan ya agew, linmad kinen Bat-seba ya ina nen Solomon si Adonias a say ina to et si Hagit. Tinepet nen Bat-seba ed sikato, “Maabig kasiy iter to yan imbisitam?” “On,” ebat to,

Lucas 5:8

Nen naimatunan nen Simon Pedro yan agawa, dinmakmomo ed saliyan nen Jesus tan inkuanto, “Arawi kad siak, Katawan, ta makasalanan ak a too!”

2 Saray Arari 9:22

“Kareenay inyakaran mo dia?” tepet nen Joram ed sikato. “Panon a niwalay kareenan,” ebat nen Jehu, “no wala ni diad sikatayoy amin a klasiy panaganito tan panangigalang ed saray talintao da ray diriyos ya inggapo nen inam a Jezebel?”

1 Samuel 21:1

Linmay David ed kinen pari Ahimelec diad Nob. Manggiwgiw si Ahimelec a pinmaway a mangabet ed sikato tan tinepet to, “Akin et bukbukor moy linma dia?”

1 Saray Arari 17:18

Inkuantod kinen Elias, “Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?”

Lucas 8:37

Amin da ray Gadareno kinerew dad kinen Jesus ya ontaynan la, ta ontan lay takot da. Kanyan linmogan lay Jesus ed baloto tan linma la.

Lucas 2:4

Diad Nazaret, Galilea, so panaayaman nen Jose, kanyan linmad Judea ed baley na Betlehem a nianakan nen Ari David. Dimay nila nen Jose, ta kabyangay boleg nen David.

Oseas 11:10

“Ontombuk ed siak iray totook no singa ak lion ya ongwam ed saray kalaban da. Manlapud sagur mangganat iran ondagod siak.

Oseas 6:5

Sikato yay makasengeg ya imbakik ed sikayo ray propitak a mangibawag ed sikayo na sintinsia tan say deral. Say malinew a labay kod sikayo et saraya:

2 Samuel 6:9

Insan tinmakot si David ed Katawan tan kuanto, “Panon ko natan ya isempet so Kaban na Sipanan?”

Genesis 48:7

Gagawaen ko ya, lapud kinen inam a Raquel. Kaermenan kon tuloy nen inatey si Raquel ed dalin na Canaan ya ag arawid Efrata, nen ompapawil ak a nanlapud Mesopotamia. Imponpon kod man diad gilig na dalan a mamaarap ed Efrata.” (Betlehem so tawag natan ed Efrata.)

Genesis 35:19

Nen inatey si Raquel, imponpon dad gilig na dalan a mamaarap ed Efrata, a tatawagen natan na Betlehem.