1 Samuel 14:38 - Maung A Balita Biblia

³⁸ Kanyan inkuanen Saul ed saray pangulo da ray totoo, “Gali dia ta nengnengen tayo no anton kasalanan so agawad sayan agew.

Maung a Balita Biblia

³⁸ Kanyan inkuanen Saul ed saray pangulo da ray totoo, Gali dia ta nengnengen tayo no anton kasalanan so agawad sayan agew.

1 Samuel 14:38 Referans Kwoze

Zacarias 10:4

Manlapud sikara iray manoley, saray pangulo, tan saray kapitan na sondalo a manoley ed saray totook.

Saray Salmo 47:9

Mantitipon iray manoley ed saray bansa a kaiba da ray totoo na Dios nen Abraham. Makapanyari so Dios nen saray amin a sondalo; sikatoy sankatageyan a manoley!

2 Samuel 18:3

“Ag ka nepeg a milad sikami,” ebat da. “Anggapoy walad saray kalaban no bilang ombatik kamin amin, odino anggan napatey so kapalduad sikami; balet aliling moy samplon libo ed sikami. Kanyan magmaung ni no natilak ka diad siudad tan ipawit mo lay tulong ed sikami.”

Saray Huis 20:2

Saray pangulo na amin a tribu na Israel ed wadya ra ed sayan impantitipon na saray totoo na Dios, a say bilang da et asabi toy apat a lasus libon sondalo ya akaispada.

Josue 7:11

Nankasalanan so Israel! Sinumlang da so paknaan ya ingganggan kod sikaran sumpalen da. Angala ra na pigaran bengatlan nepeg a deralen. Tinakew da, intila ray impanakew da, tan impikasakey dad saray kayaryan da.

Saray Bilang 24:17

Sankanengneng ko so arapen a panaon, Et na nengneng ko so bansa na Israel. Walay sakey ya arin singa maliwawan bitewen ya onletaw ed sayan bansa. Singa sakey a komita a manlapud Israel. Kabilen to ray pangulo na Moab Tan tumbaen to ray amin a totoo na Set.

TAGA-EFESO 2:20

Nipaalagey ki met ed tapew na pundasion ya inletneg na saray apostol tan saray propita, say baton suyok, a salanti si Cristo Jesus.

Mateo 21:42

Inkuanen Jesus, “Ag yo ta ni abasa ed Masanton Sulat? ‘Say baton impasen ya andi-kakanaan na saray karpintiro nagmaliw lamlamang a sankakanaan a bato. Ginawa ya na Katawan; makapakelkelaw a nengnengen!’

Josue 7:12

Sikato yay makasengeg ya ag nalabanan na saray Israelita iray kalaban da. Sinmener ira, lapud sikaran dili et asintinsiaan la ran ompatey. Ag ta kayo la olupen no ag yo deralen iray bengatlan sebel ya alaen yo!