1 Samuel 12:25 - Maung A Balita Biblia

²⁵ Balet no itoluy yoy mankasalanan, napatey kayo tan say ari yo.”

Maung a Balita Biblia

²⁵ Balet no itoluy yoy mankasalanan, napatey kayo tan say ari yo.

1 Samuel 12:25 Referans Kwoze

Josue 24:20

et no taynan yo pian makapanlingkur kayod arum iran diriyos, sumpaen to kayo tan dusaen to kayo. Pateyen to kayo, anggaman a maung so ginagawa tod sikayo nen saman.”

Oseas 10:3

Ag mabayag sarayan totoo ikuanda, “Anggapoy ari mi lapud ag mi tinakotan so Katawan. Balet, anto lamlamang so nitulong na ari ed sikami?”

Isaias 3:11

Balet pangaskasiyay kipapasen da ray totoon maoges; nagawad sikara so ginagawa rad arum a totoo.

Deuteronomio 28:36

“Say Katawan iyakar to kayo tan say ari yo ed sakey a bansa ya ag yo ni nanayaman nen saman, sikayo o saray lalaki yo; manlingkur kayod man ed saray diriyos a kiew tan saray diriyos a bato.

Isaias 1:20

Balet no ipolisay tan labanan yo ak, andi-duaruwan ompatey kayo. Siak, say Katawan, so nansalita.”

Deuteronomio 8:19

Ag yo lilingwanan so Katawan a Dios yo, ag kayo onsisingger ed saray diriyos a igalang tan panlingkuran yo. No gawaen yo ya, pasakbayan ta kayo natan ya andi-saew ya ompatey kayo.

Josue 23:16

No ag yo sumpaley impisipanan na Katawan a Dios yo onung na ganggan ton sumpalen yo, tan manlingkur tan mangigalang kayod arum a diriyos, dusaen to kayod pasnuk to, et ag mabayag anggapoy nakeraan ed sikayo diad sayan maung a dalin ya inter tod sikayo.”

Say Libro nen Job 36:12

Balet no andi, biglan ompatey ira, tan onla la rad kawalaan da ray inaatey.