1 Samuel 12:21 - Maung A Balita Biblia

²¹ Ag kayo manlilingkur ed saray tila-tilan diriyos; ag da kayo natulongan odino nilaban, ta aliwa ran peteg a Dios.

Maung a Balita Biblia

²¹ Ag kayo manlilingkur ed saray tila-tilan diriyos; ag da kayo natulongan odino nilaban, ta aliwa ran peteg a Dios.

1 Samuel 12:21 Referans Kwoze

Habacuc 2:18

Antoy kana na sakey a talintaoy dios? Sakey labat a ginawa na sakey a too, et anggapoy nibaga tod sikayo no ag katilaan labat. Antoy kaabigan a niiter na talintao diad panmatalek ed sikato na nanggawad sikato? Say talintao et sakey labat a dios ya ag anggan makasalita.

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.

Jeremias 10:15

Andi-kakanaan ira, tan kanepegan day balawen; naderal ira no onsabin maneral ed sikara so Katawan.

Jeremias 14:22

Anggapod saray diriyos na saray bansa so makapaoran; anggan say tawen ag to makapangipelag na mayamaya. Sikay paniilaloan mi, Katawan a Dios mi, ta sikay manggagawa na sarayan bengatla.”

Deuteronomio 11:16

Manalwar kayo ta ompan napalingo kayo et ikaindan yoy Katawan tan mangigalang tan manlingkur kayod arum a diriyos.

1 CORINTO 8:4

Kanyan nipaakar ed pangay kakanen a nibagat ed saray talintaoy diriyos: amta tayon anggapoy kabaliksan na talintaoy dios; kabat tayon saksakey labat so Dios.

Jonas 2:8

Inkaindan day inkatoor dad sika iray mangigagalang ed saray andikakanaan a talintaoy diriyos.

Jeremias 2:13

ta duaray nankasalanan na saray totook: inkaindan da ak, siak a sobul na mabilay a danum; nankokotkot ira na saray bobun, saray bobun a nanletak kanyan ag makakargay danum.

Isaias 46:7

Sasakbaten tan aawiten da; ililira rad sakey a pasen, tan manalagey diman, ag makaalis ed kawalaan to. No walay mampikasi ed sikato ag makaebat odino makapangilaban ed gunigon to.

Isaias 45:20

Say Katawan kuanto, “Mantitipon kayo, sikayon totood saray bansa, amin yon nilaban nen atalo so impirio; mamparontal kayod panalaysay ed sikayo! Saray totoon mampaparadan awit da ray talintao ra tan mampipikasi rad saray diriyos ya ag makapangilaban ed sikara— totoo ran anggapon balut so amta!

Jeremias 10:8

Andi-kalakal tan makulang-kulang ira yan amin a totoo. Antoy naaral da ed saray kiew a talintaoy diriyos?

Jeremias 2:5

Say Katawan kuanto: “Antoy dalem na saray lalaki yo sumpad siak? Antoy makasengeg na impangikaindan dad siak? Inggagalang da ray andi-kakanaan a talintaoy diriyos, kanyan nagmaliw iran andi-kakanaan.

Isaias 41:29

Andi-kana ra yan amin a diriyos: anggapon balut so nagawaan da— makapoy tan anggapoy pakayari ira yan talintaoy diriyos.”

Deuteronomio 32:21

Lapud saray talintaoy diriyos da pinapetang day olok; pinaimon da ak lapud saray ipapasen dan diriyos da, saray aliwan peteg a diriyos. Kanyan ikanak so sakey a paganon bansa a mamapetang na olo ra; paimonen ko ra lapud sakey a bansan makulang-kulang iray totoo to.

Saray Gawgawa 14:15

“Sikayon totoo, akin et gagawaen yo ya? Totoo kami met a kapara yo! Impupulong mid sikayoy Maung a Balita, pian nalingwanan yo la ra yan andi-kakanaan a bengatla tan ondago ki lad mabilay a Dios ya amalsay tawen, dalin, tan dayat, tan amin a logan da ra ya.

Deuteronomio 30:17

Balet no sumlangen yo tan ag yo dengelen, tan napalingo kayon mangigalang ed saray arum a diriyos,

2 Saray Arari 17:15

Ag da nilabay ya onuren iray bilin to, ag da sinumpal so impisipanan tod saray lalaki ra, tan ag da inkabkabilangan iray pasakbay to. Inggalang day andi-kakanaan iran talintaoy diriyos tan nagmaliw iran andi-kakanaan met, tan inalig da ray ogali na kaliber-liber iran bansa. Ag da sirin tinoluk so ganggan na Katawan ya ag da aligen iray pagano.

Jonas 2:9

Balet mankanta ak na panangidayew ed sika; mangisaklang ak ed sika na bagat tan sumpalen ko so insipan ko. Manlalapud Katawan so kilalaban!”