1 Samuel 12:20 - Maung A Balita Biblia

²⁰ “Ag kayo natatakot,” ebat nen Samuel. “Anggaman a ginawa yo yan kaogsan, ag yo komun ipopolisay so Katawan, no ag ingen panlingkuran yod intiron puso yo.

Maung a Balita Biblia

²⁰ Ag kayo natatakot, ebat nen Samuel. Anggaman a ginawa yo yan kaogsan, ag yo komun ipopolisay so Katawan, no ag ingen panlingkuran yod intiron puso yo.

1 Samuel 12:20 Referans Kwoze

Deuteronomio 11:16

Manalwar kayo ta ompan napalingo kayo et ikaindan yoy Katawan tan mangigalang tan manlingkur kayod arum a diriyos.

1 Pedro 3:16

Balet nepeg a maoyamo tan mapagalang kayod panagebat yo. Pansiansia yon malinis so konsinsia yo, pian nabaingan iray mamaoges ed panggawa yoy kamaungan diad itombuk yod Cristo.

Jeremias 3:1

Say Katawan kuanto, “No isian na sakey a laki so asawa to, tan ontaynan la may bii, insan naasawa na sananey a laki, samay angisian ag to la nababawi may insian to. Dotakan a sigput na onya so bansa. Balet, Israel, amayamay so kainarowan mo et, natan, labay moy ompawil ed siak!

Saray Salmo 125:5

Balet dusam pa met iray mangoonur na maoges a kaliktan da, no dusaen mo ray manggagaway kaogsan. Manari komun ed Israel so kareenan!

Saray Salmo 101:3

tan ag kon balut abuloyay kaogsan. Kabosul koy gagawaen da ray totoon onaarawid Dios; anggapoy pibabalik ed sikara.

Saray Salmo 40:4

Maliket iray manmamatalek ed Katawan, saray ag onsisingger ed saray talintaoy diriyos odino mibabalid saray mangigagalang ed saray tila-tilan diriyos.

Josue 23:6

Kanyan pampelegan yon onuren tan sumpalen iray amin a nisulat ed libro na Ganggan nen Moises. Ag yo papaolyan so anggan anton parti na ganggan,

Deuteronomio 31:29

Amtak a kayariy ipatey ko saray totoo et magmaliw iran maoges tan ipolisay day imbabangat kod sikara. Et diad onsabin panaon nadalan ira na deral, lapud pampasnuken day Katawan diad panggawa ray isesebel to.”

Exodo 23:25

No igalang yo ak a Katawan a Dios yo, bindisionan ta kayo na kanen tan inomen tan ekalen ko ray sakisakit yo.

Exodo 32:30

Diad ontombuk ya agew si Moises kuantod saray katoowan, “Ambelat a tuloy so kasalanan a ginawa yo. Balet onkalab ak lamet ed palandey ta laen koy Katawan; angangko nagamuran koy pakapirdona na kasalanan yo.”

1 Samuel 12:19

inkuandad kinen Samuel, “Ipikasi mo kami pad Katawan a Dios mo, pian ag kami ompatey. Abirbir mi la natan, a likud ed saray arum a kasalanan nankasalanan kamid impankerew miy sakey ya ari.”

Deuteronomio 10:12

“Natan, sikayon totood Israel, dengel yo ray labay a pagawa ed sikayo na Katawan a Dios yo: Takotan yo so Katawan tan onur yo ray amin a labay ton pagawad sikayo. Aro yo, panlingkuran yo ed intiron puso yo,

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

Aggeo 2:5

Nen pinmaway kayod Egipto insipan kon siak so kaiba yo lawas. Siak ni so kaiba yo, kanyan ag kayo natatakot.