1 Samuel 11:6 - Maung A Balita Biblia

⁶ Nen nadngel ya nen Saul, linmoob ed sikato so ispiritu na Dios tan pinmetang a maung so olo to.

Maung a Balita Biblia

⁶ Nen nadngel ya nen Saul, linmoob ed sikato so ispiritu na Dios tan pinmetang a maung so olo to.

1 Samuel 11:6 Referans Kwoze

1 Samuel 10:10

Nen akasabid Gabaa si Saul tan samay aripen to, sakey ya olup na propita so angabet ed kinen Saul. Biglan linmoob ed sikatoy ispiritu na Dios, tan akikasakey ed gagawaen da.

1 Samuel 16:13

Inala nen Samuel so larak na oliba tan nilanaan toy David diad arap da ray agagi to. Linmoob a tampol ed kinen David so ispiritu na Katawan tan walad sikato manlapud saman ya agew. Insan amawil lad Rama si Samuel.

Saray Huis 6:34

Inoleyan na ispiritu na Katawan si Gedeon, et pinaknul toy trumpita a panawag ton ontombuk ed sikato iray lalakin kabyangay boleg nen Abiezer.

Saray Huis 14:6

Kabebekta pinabiskeg na ispiritu na Katawan si Samson, et diad panamegley na saray lima to biningbingkas to may lion a singa labat nambibingkas na kilaw na kanding. Balet ag to imbagad saramay ateng to so ginawa to.

Saray Huis 13:25

Ginapwan na ispiritu na Katawan a pabiskegen si Samson legan a walad nanleetan na Zora tan Estaol diad Kampo nen Dan.

Saray Huis 3:10

Linmoob ed sikato so ispiritu na Katawan, tan nagmaliw a pangulo da ray Israelita. Akibakal si Otniel, et impanalo na Katawan ed ari na Mesopotamia.

Saray Huis 11:29

Insan nanayam ed Jefte so ispiritu na Katawan. Dinmalan si Jefte ed Galaad tan Manases, insan pinmawil ed Mizpa na Galaad tan linmad Ammon.

TAGA-EFESO 4:26

No mampasnuk kayo, paliisan yoy pakapankasalanan yo, tan ag kayo mamapasnuk a sanagew.

Marcos 3:5

Legan a nenengnengen nen Jesus iray totood kaliber-liber to, akapasnuk; balet nantaruk na ermen so pasnuk to, lapud kinaawet na puso ra. Inkuantod samay laki, “Iyonat moy limam.” Inyonat ton tuay lima to, tan inmabig ed saman a bekta.

Saray Bilang 12:3

Mapaabeban too si Moises; anggapo lad tapew na dalin so toon mapaabeba nen say sikato.)

Exodo 32:19

Nen asingger lay Moises ed kampo tan nabantag to la may bakan kalakyan tan saray totoon mansasayaw-sayaw, mapalaloy impakapasnuk to. Dimad alusadsar na palandey imbantak to ra may awit ton tapyak a bato, et apisagpisag ira.

Saray Huis 15:14

Kasabiy tod Lehi, mambabtik a dinmagod sikato iray Filisteo tan ineeyagan da. Kabebekta pinabiskeg na ispiritu na Katawan, et pinopoltut ton singa apoolan a tinebey ira may lobir ya akabalur ed saray taklay to.

1 Samuel 16:14

Tinaynan na ispiritu na Katawan si Saul, tan pinairap na sakey a ispiritun maoges ya imbakiy Katawan.

1 Samuel 10:6

Biglad satan ya onloob ed sika so ispiritu na Katawan; mikasakey kan manggawa na gagawaen da, tan magmaliw kan doma a too.