1 Samuel 11:11 - Maung A Balita Biblia

¹¹ Kaimbuas ginawa nen Saul a taloran grupo iray totoo to, tan diad palbangon dinogpaan da ray Ammonita a walad kampo. Kasabiy kaaguan apatey da la ra. Ataytayak iray akeraan, tan nagsibatik so balang sakey ed sikara.

Maung a Balita Biblia

¹¹ Kaimbuas ginawa nen Saul a taloran grupo iray totoo to, tan diad palbangon dinogpaan da ray Ammonita a walad kampo. Kasabiy kaaguan apatey da la ra. Ataytayak iray akeraan, tan nagsibatik so balang sakey ed sikara.

1 Samuel 11:11 Referans Kwoze

Saray Huis 7:16

Impankatlo ton grupo ira may talon lasus a totoo to tan initdan to ray sansasakey a trumpita tan sansasakey a porunggo a walad dalem so nipotan ya apoy.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Mateo 7:2

Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

1 Samuel 11:2

Inmebat si Nahas, “Mipaknaan ak ed sikayo no ontoluk kayon sukiten koy kawanan a mata na balang sakey ed sikayo, pian napabanday so intiron Israel.”

Saray Huis 9:43

kanyan tinawag to ray totoo to, impankatlo to ran grupo, inmamut irad kaalogan tan nanalagar ira. Nen anengneng ton ompapaway ed siudad iray totoo, pinmaway si Abimelec ed panaamutan to, ta pateyen to ra.

Saray Huis 4:16

Inosilan nen Barac ira may karwahi tan saramay sondalo ya anggad Haroset-na-saray-Hintil, et apatey ya amin iray sondalo nen Sisara. Anggapoy lakin atilak ed sikara.

Saray Huis 1:7

Inkuanen Adoni-bezec, “Nandodokdok nen saman na ibung ed silong na lamisaan ko iray arari ya apotut-potut so tangan na lima tan sali ra. Gagawaen ed siak natan na Dios imay ginagawak ed sikara.” Niakar ed Jerusalem si Adoni-bezec, tan diman la inatey.

Exodo 14:24

Et nen mampalbangon la say Katawan, manlapud lusek ya apoy tan lusek a lorem, inosdungan to ray sondalon Egipsio tan ginegewgew to ra.

Genesis 22:14

Inngaran nen Abraham iman a pasen na “Say Katawan so Mangiter.” Tan anggad natan, ibabalikas na totoo, “Mangiter so Katawan diad palandey to.”

Saray Huis 7:20

tan onman met so ginawa na saramay duaran grupo. Binembenan dad kawigin lima ra may nipotan ya apoy, tan diad kawanan a lima ra so trumpita, insan da ineyag, “Sakey ya ispada a para Katawan tan si Gedeon!”

2 Samuel 18:2

Imbaki to ran taloran grupo; si Joab so panguloy sakey, si Abisai ya agi to so panguloy sakey, tan si Itai a taga Gat so panguloy sakey met. Inkuan na ari ed saray totoo to, “Mila ak ed sikayo.”

1 Samuel 14:47

Nen ari lad Israel si Saul, nilabanan to ray kalaban tod inerman a pasen: saray totood Moab, Ammon, tan Edom, saray ararid Zoba, tan saray Filisteo. Analo ed inerman ya akibakalan to.