1 Samuel 10:16 - Maung A Balita Biblia

¹⁶ “Imbaga tod sikami a nalmo la ray asno,” ebat nen Saul—balet ag to imbagad kinen pangamaen to so imbaga nen Samuel nipaakar ed pagmaliw ton ari.

Maung a Balita Biblia

¹⁶ Imbaga tod sikami a nalmo la ray asno, ebat nen Saulbalet ag to imbagad kinen pangamaen to so imbaga nen Samuel nipaakar ed pagmaliw ton ari.

1 Samuel 10:16 Referans Kwoze

Probirbio 29:11

Saray totoon makulang-kulang ag da iyaamut so pasnuk da, balet maanos tan napokpokan day pasnuk da iray totoon ikakana ray olo ra.

1 Samuel 9:27

Kasabi rad ketegan na baley, inkuanen Samuel ed kinen Saul, “Ibagam ed satay aripen ya onona la.” Inmona la sirin imay aripen, tan intuloy nen Samuel so nansalita, “Tilak ka ni dian magano, ta ipaamtak ed sikay imbaga na Dios.”

1 Samuel 9:20

No nipaakar ed saray asno a taloy agew la ran abalang, ag yo la ra pampapagaan; nalmo la ra. Balet siopay pampilpilalekan na saray totood Israel? Sika—sika tan say pamilya na amam.”

Saray Huis 14:6

Kabebekta pinabiskeg na ispiritu na Katawan si Samson, et diad panamegley na saray lima to biningbingkas to may lion a singa labat nambibingkas na kilaw na kanding. Balet ag to imbagad saramay ateng to so ginawa to.

Exodo 4:18

Sinmempet si Moises tan linmad kinen katolangan ton Jetro tan kuanto, “Abuloyan yo ak pa ya ompawil ed saray kakanayon kod man ed Egipto, ta nengnengen ko no mabilay ni ra kasi.” Inmabuloy si Jetro tan pinasiput to.

1 Samuel 10:15

“Antoy imbaga tod sikayo?” tepet na pangamaen to.

Saray Huis 14:9

Kinopkop to may dilo tan kinan to legan a manaakar. Insan linmad kindi ama tan ina to tan initdan to ray dilo. Kinan da, balet ag imbaga nen Samson ya inala to may dilo ed laman na inatey a lion.

Probirbio 12:23

Saray totoon makabat ag to ipanpanta a walay amta to, balet say makulang-kulang ibabawag toy inkakulang-kulang to.

Ecclesiastes 3:7

say panaon na pampilat tan say panaon na pandait, say panaon na panolimek tan say panaon na pansalita,