1 Samuel 1:27 - Maung A Balita Biblia

²⁷ Inebatan na Katawan so pikakasik tan sayan ogaw so inter tod siak.

Maung a Balita Biblia

²⁷ Inebatan na Katawan so pikakasik tan sayan ogaw so inter tod siak.

1 Samuel 1:27 Referans Kwoze

1 Juan 5:15

Bangta amta tayon dengelen to itayo no onkerew itayod sikato, amta tayo met ya iter to ray kekerewen tayod sikato.

Saray Salmo 118:5

Diad kasesegsegang ko, tinmawag ak ed Katawan; inebatan to ak tan imbolus to ak.

Mateo 7:7

“Kerew kayo, et naitdan kayo. Mananap kayo, et makalmo kayo. Toktok kayo, et nalokasan a para sikayo so puirta.

Saray Salmo 6:9

tatalinengen to ak ed pikekerew koy tulong tan ebatan to ray pikakasik.

1 Samuel 2:20

Insan bindisionan nen Eli si Elcana tan si asawa to, tan ikuantod Elcana, “Iyabuloy komun na Katawan a makaanak ka nid sayan bii, pian walay mangalay pasen na anak yon insaklang yod Katawan.” Kayari to ya, onsempet la ra.

Saray Bilang 6:8

Legan a sikatoy Nazareo, nisaklang ed Katawan.

1 Saray Awaran 4:10

Nampikasiy Jabes ed Dios na Israel, “Bindisionan mo ak pa, O Dios, tan itdan mo ak pay maawang a dalin. Ibaan mo ak pa tan iyagel mo ak ed maoges pian ag ak napasakitan.” Et inter na Dios iray kinerew to.

Saray Salmo 120:1

Nen wala ak ed gunigon tinmawag ak ed Katawan, et inebatan to ak.