1 Samuel 1:26 - Maung A Balita Biblia

²⁶ Inkuanen Ana ed kinen Eli, “Nabirbir yo ak ni? Siak imay biin anengneng yon manalalagey dian mampipikasi ed Katawan.

Maung a Balita Biblia

²⁶ Inkuanen Ana ed kinen Eli, Nabirbir yo ak ni? Siak imay biin anengneng yon manalalagey dian mampipikasi ed Katawan.

1 Samuel 1:26 Referans Kwoze

2 Saray Arari 4:30

Inkuan na samay bii ed kinen Eliseo, “Mansasamba ak diad inkatoor kod mabilay a Katawan tan diad sika ya ag ta ka taynan!” Kanyan akilay Eliseo ed samay bii nen pinmawil.

2 Saray Arari 2:6

Insan inkuanen Elias ed kinen Eliseo, “Tilak ka dia natan; ingganggan na Katawan ya onla ak ed Ilog na Jordan.” Balet inmebat si Eliseo, “Sambaan ko diad inkatoor kod mabilay a Katawan tan diad sika ya ag ta ka sianan.” Kanyan linma ran dua,

2 Saray Arari 2:4

Insan inkuanen Elias ed kinen Eliseo, “Tilak ka dia natan; ingganggan na Katawan ya onla ak ed Jerico.” Balet inmebat si Eliseo, “Sambaan ko diad inkatoor kod mabilay a Katawan tan diad sika, ya ag ta ka sianan.” Kanyan linma ran dua ed Jerico.

2 Saray Arari 2:2

nen wala rad dalan inkuanen Elias ed kinen Eliseo, “Tilak ka dia, ta ingganggan na Katawan ya onla ak ed Betel.” Balet inmebat si Eliseo, “Sambaan ko diad inkatoor kod mabilay a Katawan tan diad sika ya ag ta ka sianan.” Kanyan linma ran dua ed Betel.

2 Samuel 11:11

Inmebat si Urias, “Mibabakal iray totood Israel tan Juda, a kaiba ray Kaban na Sipanan; say pangulok a Joab tan saray opisyal to et wala rad kampo diad kaalogan. Panoy isempet kod abung, mangan, oninom, tan onogip a kaakdul koy asawak? Diad ngaray tawen, isambak ya ag ko ya nayarin gawaen!”

1 Samuel 20:3

Balet inmebat si David, “Kabkabat nen amam so ontan lan panangarom ed siak, kanyan ginetma to lan iyamut ed sikay gawaen to, pian ag ka nasakitan a maung. Sambaan kod sika diad ngaray mabilay a Katawan a wala ak lad sangabay lobuk!”

1 Samuel 17:55

Nen si Saul et anengneng toy David ya onlan milaban ed kinen Goliat, tinepet tod kinen Abner a pangulo na saray sondalo to, “Siopa man a balolaki?” “Ag ko amta, O ari,” ebat nen Abner.

2 Samuel 14:19

“Si Joab so nambangat ed sikad saya?” tepet na ari. Inmebat may bii, “Isambak ed tawen, Kagalang kon Ari, ya anggapoy polaing a makapangipaliis na pangebat ed tepet mo. Say katawan to, si opisyal mon Joab so angibangat na gawaen tan salitaen ko.

Genesis 42:15

Onyay panubok kod sikayo: Isambak ed ngaray ari ya ag kayo dia makaalis, anggad nanengneng ko dia so yogtan ya agi yo.

1 Samuel 25:26

Say Katawan so manesebel a sikan dili so ombawi tan mamatey ed saray kalaban mo. Natan sambaan ko diad ngaran na mabilay a Katawan a nadusan singa si Nabal iray kalaban mo tan amin da ray malabay a mamasakit ed sika.

1 Saray Awaran 4:10

Nampikasiy Jabes ed Dios na Israel, “Bindisionan mo ak pa, O Dios, tan itdan mo ak pay maawang a dalin. Ibaan mo ak pa tan iyagel mo ak ed maoges pian ag ak napasakitan.” Et inter na Dios iray kinerew to.