1 Samuel 1:11 - Maung A Balita Biblia

¹¹ Si Ana nanggaway sipan a sinambaan to: “Katawan a Makapanyarin-amin, no imanoen mo ak ya aripen mon pangaskasiyan, no nonuten mo ak, ag mo ak lingwanan, tan itdan mo ak na anak a laki, isaklang kod sika legan a mabilay tan ag kon balut pakatlian.”

Maung a Balita Biblia

¹¹ Si Ana nanggaway sipan a sinambaan to: Katawan a Makapanyarin-amin, no imanoen mo ak ya aripen mon pangaskasiyan, no nonuten mo ak, ag mo ak lingwanan, tan itdan mo ak na anak a laki, isaklang kod sika legan a mabilay tan ag kon balut pakatlian.

1 Samuel 1:11 Referans Kwoze

Saray Huis 13:5

tan kapaway na anak mo ag mon balut popotutay buek to, lapud manlapud inkianak to sikatoy isaklang ed Dios a sakey a Nazareo. Igapo toy pangyagel tod saray Israelita ed lima da ray Filisteo.”

Saray Bilang 6:5

Legan a sikatoy Nazareo, nepeg ya ag mampakatli odino mambalbas. Diad intiron panaon na inkisaklang tod Katawan nepeg a masanto, tan padokeyen toy buek tan balbas to.

Ecclesiastes 5:4

Kanyan no mansipan ka ed Dios, ganatan mon sumpalen. Aliwan makapaliket ed sikato so toon makulang-kulang. Sumpal mo so insipan mon gawaen.

Genesis 29:32

Nanlokun si Lea tan nananak na sakey a laki. Inkuanto, “Anengneng na Katawan so segsegang ko; natan aroen ak la nen asawak”; kanyan inngaran to na Ruben imay ogaw.

Saray Salmo 25:18

Imanom pay segsegan tan kairapan ko, tan pirdonam pa ray amin a kasalanan ko.

1 Samuel 1:19

Kaimbuas binmangon a masakbay si Elcana tan say pamilya to, inggalang day Katawan, insan ira amawil ed Rama. Inakdulan nen Elcana si asawa ton Ana et inebatan na Katawan so pikakasi nen Ana.

Genesis 30:22

Anunotan na Dios si Raquel; inebatan toy pikakasi to, kanyan inyabuloy ton makaanak.

Saray Huis 11:30

Insipan nen Jefte ed Katawan: “Katawan, no panaloen mo ak ed saray Ammonita,

Saray Bilang 6:8

Legan a sikatoy Nazareo, nisaklang ed Katawan.

Genesis 28:20

Insan sinambaan tod Katawan a Dios, “No kaiba mo ak lawas tan iyagel mo ak legan na sayan akar ko tan itdan mo ak na kawes tan kakanen,

2 Samuel 16:12

Angangko imanoen na Katawan so pangaskasiyan a kipapasen ko, et itdan to ak na saray bindision ya onsalat ed sayan panaayew to.”

Saray Bilang 21:2

Insan saray Israelita sinambaan dad Katawan: “No panaloen mo kamin mibakal ed saraman a totoo, sigput min deralen iray siudad da.”

Saray Bilang 6:11

Say pari isaklang ton bagat a para kasalanan so sakey a manok tan isaklang ton bagat a popoolan so sakey, ta gawaen to so sirimonya na panlinis ed sikato lapud impakadiwit tod bangkay. Diad saman lamlamang ya agew samay too pasimbaloen ton isaklang so buek to,

Exodo 4:31

Anisia ra, et nen nadngel dan dinalaw iray Katawan tan anengneng toy ontan lan kakairapan da, tinmuek ira tan angigalang irad Katawan.

Genesis 8:1

Ag alingwanan na Dios si Noe tan amin ya ayep a kaiba tod dalem na biong; pinasiplug na Dios so dagem, et ginmapon inmabebay danum.

1 Samuel 1:12

Abaybayag a nampikasi tan inimano nen Eli so bibil to.

1 Samuel 1:22

Balet ag akila natan si Ana. Inkuantod kinen asawa to, “No apakso lay ogaw, sikato lay pangawit kod abung na Katawan, tan diman lay panayaman to legan a mabilay.”

1 Samuel 1:27

Inebatan na Katawan so pikakasik tan sayan ogaw so inter tod siak.

1 Samuel 1:28

Kanyan isaklang ko natan ed Katawan. Legan a mabilay, kayaryay Katawan.” Insan da inggalang diman so Katawan.

1 Samuel 2:20

Insan bindisionan nen Eli si Elcana tan si asawa to, tan ikuantod Elcana, “Iyabuloy komun na Katawan a makaanak ka nid sayan bii, pian walay mangalay pasen na anak yon insaklang yod Katawan.” Kayari to ya, onsempet la ra.

Probirbio 31:2

“Sikay dilin pinablik ya anak, say ebat na saray pikakasik. Antoy ibagak ed sika?

Levitico 27:2

iray onggendan a totontonen a tombuken na saray totood Israel. No say sakey a too et niiter ed Katawan diad panumpal ed sakey a nidoma-doman sipan, satan a too nayarin narondon diad pambayar na saray onggendan a karakel na kuarta,