1 Pedro 3:3 - Maung A Balita Biblia

³ Say ganggana yo nepeg ya aliwan walad pangapiger yod buek yo, o pangikana yo ray alahas, o pangisolung yo ray kawes.

Maung a Balita Biblia

³ Say ganggana yo nepeg ya aliwan walad pangapiger yod buek yo, o pangikana yo ray alahas, o pangisolung yo ray kawes.

1 Pedro 3:3 Referans Kwoze

Saray Taga Roma 12:2

Ag yo aaligey panagbilay na sankamundoan. Ingen paoman yo lad Dios so panagbilay yo, pian naamtaan yoy linawa na Dios—no anto so maung, makapaliket ed Dios, tan ayadyari.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Jeremias 4:30

Jerusalem, pangaskasiyan ka! Akin et akakawes kay ambalbalanga? Akin et manaalahas ka tan akapinta na pampaganggana iray matam? Andi-kakanaan lay pampapagangganam! Impolisay ka la na saray kainarowan mo tan labay da kan pateyen.

Jeremias 2:32

Nalingwanan ta na marikit iray alahas to, odino say nubia so kawes ton para kasal? Balet nilingwanan ak na saray totook; ag nabilang iray agew ya impangilingwan dad siak.

Isaias 52:1

Jerusalem, mampabiskeg ka tan mampatalonggaring ka lamet! Masanton siudad na Dios, kawesan moy sikan dili na kagalangan! Ag lan balut looban na saray pagano iray puirtam.

Exodo 33:4

Nen nadngel ya na saray totoo, ginapwan day nanermen tan ag la ran balut nanalahas.

Genesis 24:53

Insan impaway to ray awit ton alahas a balituk tan pilak tan saray kawes, tan inter to rad kinen Rebeca. Initdan to met so lakin agi nen Rebeca tan say ina to na mabmabli ran rigalo.

Genesis 24:47

Nen tinepet kod sikato no siopay ama to, inebat ton say ama to et si Betuel ya anak nen Nacor tan Milca. Inyan kod satan so singsing ed eleng to tan saray pulsiras ed saray taklay to.

Genesis 24:22

Kasumpal ya inminom ira may kamilyo, angipaway imay aripen na mabmablin singsing a balituk tan inyan tod eleng na samay marikit, insan to sinolungay duaran balituk a pulsiras iray taklay to.

Saray Salmo 45:9

Saray arum a bibiid palasiom et anak na saray arari, tan manalalagey so riyna ed nikawanay tronom, ya akaalahas na puron balituk.

Exodo 38:8

Nanggawa na gansan talyasi a panagorasan tan say gansan ansagan to. Say inkana tod impanggawad saraya et saray gansan ispiho na saray bibiin nanlilingkur ed lolooban na Tuldan Ayamay Katawan.

Exodo 32:2

Kanyan kuanen Aaron ed sikara, “Ekal yo ray balituk ya ikaw na kaasawaan yo, ikaw na saray anak yon lalaki tan bibii, ta iyakar yo ra diad siak.”

Ezekiel 23:40

“Angibaki la ran angibaki na saray totoon angimbitan ondago iray totoon taga arawin pasen, et dinmago ra. Nanames ira may sanagi tan ginolisan da ray gilig na mata ra tan nampepeket ira na alahas ed laman da.

Ester 5:1

Diad kumatlon agew na panaayuno nen Ester, insolung toy kawes ton riyna, tan linman nanalagey ed dalem a patio na palasio diad arap na kuarton kawalaay trono. Wadman so ari ya akayorung ed trono tan akaarap ed lolooban.

Exodo 35:22

Amin a totoon mabolus so linawa, bii may laki, inyaakar da ray balituk a sara da, saray ikaw da, saray singsing da, saray kolintas da, tan amin a klasiy balituk ya alahas, tan insaklang da ra ed Katawan.

Exodo 3:22

Onkerew so balang biin Israelita ed saray kaabay ton Egipsio, tan diad siopaman a biin Egipsio a manaayam ed abung to, na saray kawes tan saray alahas a balituk tan pilak. Paisolung yo ra yan bengatla ed saray anak yon lalaki tan bibii et, diad ontan, naalaan yo na kayamanan iray Egipsio.”

2 Saray Arari 9:30

Akasabid Jezreel si Jehu. Lapud nadngelan nen Jezebel so agawa, kinoloran toy goyamgoyam na mata to, inapiger toy buek to, insan tinmandag ed bintanay palasio.

1 Pedro 3:2

ta nanengneng da lay masimpit tan malinis a kabibilay yo.