1 Pedro 3:14 - Maung A Balita Biblia

¹⁴ Balet manliket ki nin siansia, anggaman a pairapen da kayo lapud panggawa yoy kaabigan! Ag yo tatakotay panangigagaem da, tan ag kayo mapaga.

Maung a Balita Biblia

¹⁴ Balet manliket ki nin siansia, anggaman a pairapen da kayo lapud panggawa yoy kaabigan! Ag yo tatakotay panangigagaem da, tan ag kayo mapaga.

1 Pedro 3:14 Referans Kwoze

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

2 CORINTO 12:10

Kanyan no say makasengeg et si Cristo andi balin makapoy ak, napabaingan, napaermen, napasegsegang, tan napairap ak. Ta no kapigan a makapoy ak, diman ak mabiskeg.

Santiago 1:12

Maliket so toon mansiansian matoor anggaman a wala ray subsubok ya onsabid sikato, ta no nilabas to ra awaten toy tumang, salanti say bilay ya insipay Dios ed saray mangaarod sikato.

Juan 14:27

“Itilak kod sikayoy kareenan; say kareenan kon dili so iter kod sikayo. Aliwan singa panangiter na sankamundoan so pangiter kod sikayo. Ag komun nagunigon tan ontakot so puso yo.

Juan 14:1

Inkuanen Jesus, “Ag komun nagunigon so puso yo; manisia kayod Dios tan manisia kayo met ed siak.

Marcos 10:29

“On,” kuanen Jesus ed sikara, “tan tandaan yo ya: siopamay taynan toy abung, agagi, ina, ama, anak, dalin, lapud siak tan say Maung a Balita,

Marcos 8:35

Ta naandiay bilay so toon mangilaban na bilay to; balet nilaban so toon mangiter na bilay to makasengeg ed siak tan say Maung a Balita.

Mateo 19:29

Tan siopamay taynan toy abung, saray agagin lalaki o bibii, say ama o ina, saray anak, o saray dalin lapud siak—sikatoy natumangan a maminlasus tan tawiren toy bilay ya andi-anggaan.

Mateo 16:25

Ta naandiay bilay so toon mangilaban na bilay to; balet nilaban so toon mangiter na bilay to nisesengeg ed siak.

1 Pedro 3:6

Onyay ginawa nen Sara. Tinoluk tan tinawag ton katawan si Abraham ya asawa to. Nibilang kayo met a bibiin anak to, no maung so gawaen yo tan ag yo takotay antokaman.

Mateo 10:39

Siopamay alablabas so pangaaro tod bilay to, nabalang to ni ingen; siopamay makabalang na bilay to nisengeg ed siak, naalmo to ni ingen.”

Jeremias 15:15

Insan inkuanko, “Katawan, natatalusan mo. Nunot mo ak pa tan tulongan mo ak. Sika pa lay ombales ed saray mamapairap ed siak. Ag mo la ra aanosan, pian ag da ak napatey. Nunot mo a sikay makasengeg na panaakok na kababaingan.

Jeremias 1:8

Ag ka ontatakot ed sikara, ta wala ak a mangyagel ed sika. Siak, say Katawan, so nansalita!”

Isaias 51:12

Say Katawan kuanto, “Siak so mamapabiskeg ed sikayo. Akin et takotan yoy too ya ompatey, ya ag mambayag a mambilay a singa dika?

FILIPOS 1:29

Ta naitdan kayoy pankanawnawan manlingkur ed Cristo, aliwa labat a diad panisia yod sikato, no ag dia met ed panirap yo para sikato.

Mateo 10:31

Kanyan ag kayo natatakot, ta mabli kayo ni nen saray amayamay ya anuyaw!”

Saray Gawgawa 9:16

Ipanengneng kod sikatoy amin a nepeg ton nasagmak a kairapan lapud siak.”

Ezekiel 3:9

Gawaen ta kan anawet a singa bato odino diamanti; ag ka ontatakot ed saraman a mananumpa.”

Probirbio 3:25

Anggapo met so pagpagam nipaakar ed saray deral ya onsabin singa bagyo ed saray totoon maoges.

Santiago 5:11

Ipasen tayon maliket ira, ta nanaanos ira. Nadngelan yoy impananos nen Job tan amta yo so ginaway Katawan ed sikato diad kaonuran, ta maaro tan mapangasin maung so Katawan.