1 Pedro 3:13 - Maung A Balita Biblia

¹³ Siopay manggaway makapoy ed sikayo no say kaabigan so pilalek yon gawaen?

Maung a Balita Biblia

¹³ Siopay manggaway makapoy ed sikayo no say kaabigan so pilalek yon gawaen?

1 Pedro 3:13 Referans Kwoze

Probirbio 16:7

No makapaliket kad Katawan, napagmaliw mon kakaarom iray kalaban mo.

1 TESALONICA 5:15

Ag kayo ombabawid saray nanggaway maoges ed sikayo, no ag ingen manggawa kayo lawas na pankaabigay sakey tan sakey ed sikayo tan amin a katoowan.

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

3 Juan 1:11

Pinablin kaarok, ag mo aaligen so maoges a kagagawa; say maung so alig mo. Say toon manggagaway kamaungan et kayaryan na Dios, balet say toon manggagaway kaogsan et ag to anengneng so Dios.

Saray Salmo 38:20

Saray mangibabales na maoges ed maung et kalaban da ak lapud panggagawak na kamaungan.

1 Timoteo 5:10

kabkabat na karaklan a maung so ginagawa to, pinabaleg to ray anak to ed masimpit a panagbilay, sinasangkaili to ray anggan ag to kabat, nampaabeba diad impanlingkur tod kapara ton Cristiano, tinmutulong ed saray walad kairapan, tan insaklang toy bilay tod panggaway amin a kamaungan.

1 CORINTO 14:1

Pampirawatan yo sirin so aro. Pampelengan yo ray maispiritun langkap, nagkalalo lad pampulong na salitay Dios.

Saray Taga Roma 13:3

Saray manoley nepeg a takotan na saray managgaway kaogsan, aliwan saray managgaway kamaungan. Labay mon ag takotay toon manoley? Manggawa kay kamaungan, pian pagalangan to ka.

Probirbio 15:9

Kabosul na Katawan so kagagawa da ray totoon maoges, balet inaro to ray manggagaway kaptekan.

TAGA-EFESO 5:1

Alig yo so Dios, bangta anak to kayon inararo.

Probirbio 12:21

Anggapoy makapoy a nagagawad saray totoon matonung, balet natatabunan na gunigon iray totoon maoges.

Jeremias 39:12

“Laka ta anap moy Jeremias tan asikasom a maung. Ag mo papasakitan, tan iter mo so antokaman a labay to.”

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.