1 Pedro 3:10 - Maung A Balita Biblia

¹⁰ Onung na ibabagay Masanton Sulat, “Say malabay a mambilay a maliket tan mareen, nepeg lan ontondan mansalitay kaogsan tan manlabir na katilaan.

Maung a Balita Biblia

¹⁰ Onung na ibabagay Masanton Sulat, Say malabay a mambilay a maliket tan mareen, nepeg lan ontondan mansalitay kaogsan tan manlabir na katilaan.

1 Pedro 3:10 Referans Kwoze

Santiago 1:26

No ipasen na siopaman a sikatoy rilihioso, balet et ag to napatonday sangi tod panagsalitay kaogsan, titilaan to labat so sikaton dili tan andi-kakanaay rilihion to.

1 Pedro 2:22

Anggapoy ginawa ton kasalanan; ag met nantila ya anggan kapigan.

1 Pedro 2:1

Kanyan ekal yo lad bilay yo ray amin a kaogsan, panagtila, pansimpisimpitan, panagimon, panagpaoges na kagalangan.

Puyan 14:5

Ag iran balut nantila, tan anggapon balut so kaogsan da.

Juan 1:47

Nen anengneng nen Jesus si Nataniel ya ondaragod sikato inkuanto, “Niay tuan Israelita ya ag manasaol na kapara ton too.”

Juan 12:25

Say toon inaro toy bilay to naandid sikato, say too balet a mamosul ed bilay tod sayan mundo, mansiansiay bilay to ya anggad angga.

Probirbio 8:35

Say toon makalmod siak narurumog toy bilay, tan manliket so Katawan ed sikato.

Probirbio 3:2

Say bangat ko et itdan to ka na andokey tan maaligwas a bilay.

Mateo 19:17

Inmebat si Jesus, “Akin et tetepetan mo ak no antoy maung? Saksakey labat so maung. No labay mon nagamuray bilay, onur mo ray ganggan.”

Probirbio 4:22

Itdan da na bilay tan abig-laman so siopaman a makatatalus ed sikara.

Probirbio 3:18

Maliket iray totoon magmamaliw a makabat; say kakabatan itdan to ra na bilay.

Marcos 8:35

Ta naandiay bilay so toon mangilaban na bilay to; balet nilaban so toon mangiter na bilay to makasengeg ed siak tan say Maung a Balita.

Saray Salmo 49:19

mitipon met lamlamang ed saray lalaki to no ompatey, diad pasen a kawalaay bilonget ya ag mangangga.

Saray Salmo 27:13

Manisia ak a nanengneng ko so kaabigay Katawan diad sayan bilay.

Say Libro nen Job 33:28

Ag to inyabuloy ya ompatey ak, kanyan mabilay ak ni ya anggad natan.’

Say Libro nen Job 9:25

Manlulumbaan ya onlabas iray agew ko, anggapoy maabig ya anggan sakey ed sikara.

Deuteronomio 32:47

Aliwan apa ira yan salita; sikaray dilin bilay yo. Onur yo ra et mambilay kayo na andokey ed samay dalin ed nibaliw na Jordan a ngalngali yo la panayaman.”

Ecclesiastes 2:3

Lapud pilalek kon nagamuray kakabatan, ginetmak a paliketen koy laman kon dili diad paninom koy alak. Ninunot ko, a sikato ya angangkoy sankaabigan a gawaen na saray totoo legan na antikey a pambilay da diad tapew na dalin.

Saray Salmo 106:5

Ipanengneng mo pad siak so iyaligwas da ray totoom tan pibiang mo ak ed liket na bansam, diad gayaga da ray totoon kayaryan mo.

Say Libro nen Job 2:4

Inmebat si Satanas, “Ag kawananen na too so amin a kayaryan to dapot mambilay.