1 Juan 3:20 - Maung A Balita Biblia

²⁰ No ag itayo padeeney konsinsia tayo, amta tayon baleg so Dios nen say konsinsia tayo, tan kabat ton amin iray bengatla.

Maung a Balita Biblia

²⁰ No ag itayo padeeney konsinsia tayo, amta tayon baleg so Dios nen say konsinsia tayo, tan kabat ton amin iray bengatla.

1 Juan 3:20 Referans Kwoze

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Saray Hebreo 4:13

Anggapoy niamut ed Dios. Diad pakanengneng to, lokas tan malinew ya amin iray pinalsa, tan sikato so pangebatan tayod kabibilay tayo.

1 CORINTO 4:4

Malinis so konsinsiak, balet ag to labay ya ibaga ya anggapoy kasalanan ko. Say Katawan so manintinsiad siak.

1 Juan 4:4

Anak, kayaryan kayoy Dios tan tinalo yo ray tila-tilan propita, ta say Ispiritu a walad sikayo et makapanyari nen say ispiritu a walad mundo.

Jeremias 23:24

Anggapoy toon makaamut ed pasen ya ag kod man nanengneng. Ag yo ta amta a kawalaan koy amin a pasen ed tawen tan diad dalin?

Say Libro nen Job 33:12

Balet ibagak ed sika, Job, a nalilingo ka. Matalonggaring so Dios nen say anggan siopa.

Juan 21:17

Pinitlo nen Jesus a tinepet, “Simon ya anak nen Juan, inaro mo ak?” Naermenay Pedro ta pinitlo nen Jesus a tinepet, “Inaro mo ak?” Kanyan kuantod kinen Jesus, “Katawan, amtam iray amin a bengatla; amtam ya inaro ta ka!” Inkuanen Jesus ed sikato, “Asikasom iray karnirok.

Puyan 2:23

Pateyen ko met iray anak to, pian naamtaan na saray iglisia a siak so makaamta ed puso tan kanunotan da ray katoowan. Mangiter ak ed balang sakey ed sikayo, onung ed saray gawgawa to.

Saray Salmo 90:8

Iiyan mod arap mo iray kasalanan mi, diad pasen a nanengneng mo ra iray maamut a kasalanan mi.

Tito 3:11

Amtam lad satan a maoges itan a too, tan saray kasalanan to so mangipanengneng ya aliway gagawaen to.

Say Libro nen Job 27:6

Anggan kapigan italindeg ko a wala ak ed katonungan; malinis so konsinsiak ed kapigan man.

Juan 8:9

Nen nadngel da ya, tinmaynan iran sansakey, manlapud sankamasikenan ed sikara. Atilak a bukor si Jesus tan samay bii a wadman nin manalalagey ed arap nen Jesus.

Saray Hebreo 6:13

Nen nansipay Dios ed kinen Abraham, nansambad dilin ngaran to, ta anggapo lay atagtagey a pansambaan to.

Saray Gawgawa 5:33

Nen nadngel ya na saray kabyangay Sanidrin, agaylay pasnuk da, kanyan ninunot dan pateyen ira may apostol.

Saray Taga Roma 8:34

Siopay manintinsiay dusa ed sikara? Si Cristo Jesus kasi, ya inatey tan pinaolid bilay? Sikatoy walad nikawanay Dios tan ipipikasi to tayo ingen ed Dios!

1 Juan 3:19

Saya sirin so pakaamtaan tayon wala tayod katwaan. Sikato ya met so pakadeenay konsinsia tayod arap na Dios.

1 Juan 3:21

Kanyan, inararo, no mareey konsinsia tayo, walay biskeg na linawa tayod arap na Dios.