1 Juan 3:17 - Maung A Balita Biblia

¹⁷ No mayaman so sakey a too tan sankanengneng ton maniirap so agi to et ag to kasian a tulongan, panoy pangibaga ton inaro toy Dios?

Maung a Balita Biblia

¹⁷ No mayaman so sakey a too tan sankanengneng ton maniirap so agi to et ag to kasian a tulongan, panoy pangibaga ton inaro toy Dios?

1 Juan 3:17 Referans Kwoze

Saray Hebreo 13:16

Ag yo lilingwanay manggaway kamaungan tan mantutulongan kayo, ta sikara yay bagat a makapaliket ed Dios.

1 Juan 4:20

Matila so toon mangikuan, “Inarok so Dios,” no bosulen toy agi to. Ta say ag mangarod agi to anta sankanengneng to, ag to naaroy Dios ya ag to nanenengneng.

Lucas 3:11

Inmebat, “Say duaray kawes to nepeg ton iter so sakey ed anggapoy kawes to. Ontan met a say walay kanen to nepeg toy mangiter.”

Probirbio 19:17

No mangiter kad saray mairap-bilay singa papautangen moy Katawan, et say Katawan so mambayar ed sika.

Santiago 2:15

Bilbilang: wala ray agagin bibii o lalaki ya anggapoy nipales tan anggapoy nakan da.

Probirbio 28:9

No ag mo oonuren so ganggan, kabosul na Dios a dengelen so pikakasim.

2 CORINTO 8:9

Ta kabat yoy panangaroy Katawan tin Jesu-Cristo; anggaman a mayaman nagmaliw a mairap-bilay makasengeg ed sikayo, pian onyaman kayo diad panamegley na inkamairap-bilay to.

1 Juan 5:1

Anak na Dios so toon manisia a si Jesus et sikatoy Cristo. Siopamay mangarod ama, aroen to met so anak na ama.

Probirbio 12:10

Say toon matonung kokomponien to ray ayayep to, balet saray totoon maoges maruksa ed saray ayayep da.

Probirbio 14:31

No pairapen mo ray totoon mairap-bilay, papabaingan mo so Dios ya amalsad sikara; balet say pangasid mairap-bilay et sakey a panangigalang ed Dios.

Probirbio 21:13

No ag mo dengelen so pikekerew da ray mairap-bilay na tulong, ag met narengel so pankerew mo na tulong.

Santiago 2:16

No say sakey ed sikayo ikuantod sikara, “Bindisionan kayo komuy Dios! Napetangan tan makapangan kayo komun a maung!” balet et ag to ra itday nakaukolan da, wala kasiy nagunggona rad satan?