1 CORINTO 9:7 - Maung A Balita Biblia

⁷ Siopa ta a sondalo so igastosan toy sikaton dili diad panlingkur to? Siopa ta a dumaralus so ag to pambilay so intanem to? Siopa ta a managkomponiy karniro so ag to ikanay gatas na karniro to?

Maung a Balita Biblia

⁷ Siopa ta a sondalo so igastosan toy sikaton dili diad panlingkur to? Siopa ta a dumaralus so ag to pambilay so intanem to? Siopa ta a managkomponiy karniro so ag to ikanay gatas na karniro to?

1 CORINTO 9:7 Referans Kwoze

Probirbio 27:18

Komponim so kiew na igos, et makapangan kay bungay igos. Napagalangan so aripen a pagaan toy amo to.

Deuteronomio 20:6

Wala diad sikayo so kakkapantanem toy kaubasan to tan ag nin balut akapamborbor na bunga to? No wala, nepeg ya onsempet. Ta no napatey ed bakal, sananey so manliket ed bungay kaubasan to.

1 Timoteo 1:18

Anak kon Timoteo, imatalek kod sika yan ganggan, onung ed saramay abayag lan propisiyan nipaakar ed sika. Saraman a salita so ikanam ya armas diad pibakal mod maung a laban,

Saray Gawgawa 20:28

Asikaso yoy sikayon dili tan amin a karniro, salanti saray kabyangay iglisia a sikaray impia ed sikayo na Ispiritu Santo. Asikaso yoy iglisia na Dios a dinondon to diad panamegley na dala ton dili.

Kanta nen Solomon 8:12

Solomon, kayaryan mo la tay sanlibon pilak a kuarta, tan saray dumaralus kayaryan da lay duanlasus a pilak a kuarta. Wala met so kayaryan kon dili a kaubasan.

Probirbio 27:27

Saray natilak a kanding mo itdan da kay gatas, saray kabyangay pamilyam, tan saray katulong mon bibii.

1 Pedro 5:2

pastolan yoy poluk da ray karniro na Dios ya impalima tod sikayo. Asikaso yon mabolbolus onung ed linaway Dios, aliwan diad pasootan. Gawa yoy kimey yo, aliwa labat a lapud pangawat yoy bayar, no ag ingen lapud liket yon manlingkur.

2 Timoteo 4:7

Ginawak so anggaay nayarian kon akilumba tan binatik koy nepeg kon batiken. Nansiansia ak a matoor ed pananisia.

1 Timoteo 6:12

Gawam so anggaay nayarian mon mibakal nipaakar ed pananisia, tan nagamuran mod satay bilay ya andi-anggaan ya anawagay Dios ed sika nen impaamtam so pananisiam ed arap na amayamay a tasi.

Isaias 7:22

et makalad sikara na magenap a gatas a nakaukolan to. On, saray nakeraan a nabilay diad dalin et nawalaan ira na gatas tan dilo a kanen da.

Deuteronomio 18:8

Sikatoy nepeg a mangawat na kakanen a singa karakel na aawaten da ray arum a papari; tan nayari ton isinup so antokaman ya ipawit ed sikato na saray kabyangay pamilya to.