1 CORINTO 8:5 - Maung A Balita Biblia

⁵ Anggaman a dakerakel ira yan tatawagey “diriyos” diad tawen o diad dalin, tan talagan amayamay “iray diriyos” tan “saray kakatawan,”

Maung a Balita Biblia

⁵ Anggaman a dakerakel ira yan tatawagey diriyos diad tawen o diad dalin, tan talagan amayamay iray diriyos tan saray kakatawan,

1 CORINTO 8:5 Referans Kwoze

2 TESALONICA 2:4

Sumlangen to ray amin ya igagalang na totoo tan saray amin ya ipapasen dan diriyos. Iyan to ran amin ed silong na pakayari to, onloob ed Timploy Dios, insan onirung diman tan iparontal toy sikaton dili a Dios.

TAGA GALACIA 4:8

Nen ag yo ni kabat so Dios, aripen kayo ni na saray aliwan diriyos.

Jeremias 2:28

“Kawalaan da ray diriyos a ginagawa yon para sikayo? No wala kayod gunigon pailaban kayod sikara, no nayarian da. Juda, singa karakel na siudad mo iray diriyos mo.

Jeremias 11:13

Say karakel na diriyos na saray totood Juda et singa karakel na saray siudad da; tan saray karakel na saray ginagawan altar a panangisaklangan na makapaingungot iran bagat ed kinen Baal na saray taga Jerusalem et singa karakel na saray dalan ed siudad.

Jeremias 2:11

Wala tay bansan sinalatan to ray diriyos to, anggaman ya aliwan petepeteg iray diriyos da? Balet insalat ak na saray totook, say Dios ya angiter ed sikara na kagalangan; insalat da ak ed saray diriyos ya anggapoy nagawaan dan para sikara.

Deuteronomio 10:17

Say Katawan a Dios yo et makapanyari nen saray amin a diriyos tan walad silong to ray amin a pakayari. Sikato so matalonggaring tan makapanyari, tan sikato so nepeg a toluken. Anggapoy lalabien to, tan ag to mangaawat na pasoksok.

Daniel 5:4

tan indadayew da ray diriyos a balituk, pilak, gansa, balatyang, kiew, tan bato.

Mateo 27:17

Nen nantitipon sirin iray totoo, tinepet nen Pilato, “Siopay labay yon ibolus kod sikayo, si Barabbas o si Jesus a tatawagey Cristo?”