1 CORINTO 4:8 - Maung A Balita Biblia

⁸ Wala la ray amin a nakaukolan yo! Mayaman kayo la! Arari kayo la, anggaman a sikami et andi! Maung no petepeteg kayo lan arari, pian kaiba yo kami met a makapanoley.

Maung a Balita Biblia

⁸ Wala la ray amin a nakaukolan yo! Mayaman kayo la! Arari kayo la, anggaman a sikami et andi! Maung no petepeteg kayo lan arari, pian kaiba yo kami met a makapanoley.

1 CORINTO 4:8 Referans Kwoze

Puyan 5:10

Ginawam iran sakey a panarian tan impagmaliw mo ran papari a manlingkur ed Dios tayo; tan manari rad tapew na dalin.”

TAGA GALACIA 6:3

No walay mangipasen na sikaton dili a sakesakey anta andi, titilaan toy sikaton dili.

2 CORINTO 13:9

No makapoy kami et mabiskeg kayo, siansian panliketan mi. Ipipikasi mi a nayadyari kayo komun.

1 CORINTO 5:6

Maoges itan so panagpasirayew yo! Ag yo ta amtay kabaliksan na sayan balikas, “Say daiset a libadura napaalsa toy masa?”

1 CORINTO 1:5

Ta diad pikakasakey yod Cristo nagmaliw kayon mayaman ed amin a bengatla, anggan diad amin a panagsalita tan amin a karunongan.

Saray Taga Roma 12:3

Lapud baleg a panangaroy Dios ed siak ibabagak ed balang sakey ed sikayo: Ag yo itatanduroy laman yon dili ya alabas nen say kanepegan to. Ingen mampaabeba kayo tan balang sakey ed sikayo sintinsiaan toy sikaton dili, onung ed sukat na pananisian inter na Dios ed sikato.

Lucas 6:25

“Pakaskasi ki la, sikayon napepesel natan, ta naerasan kayo! Pakaskasi ki la, sikayon maneelek natan, ta onermen tan onakis kayo!

Probirbio 13:7

Wala ray totoon mankonkonwarin mayaman, anta anggapo ra. Saray arum mankonkonwarin mairap-bilay ira, anta mayamyaman ira.

Puyan 3:17

Ikuanmo, ‘Mayaman ak, tan duga ak ed amin a nakaukolan ko!’ Balet ag mo amtan maniirap tan pakaskasi ka! Mairap-bilay ka, anggapoy kawes mo, tan bulag ka.

FILIPOS 2:12

Kanyan, inararon agagi, bangta maonur kayo lawas nen kaiba yo ak, nepeg a lalon maonur kayo natan ya andid tan ak ed sikayo. Mankimey kayon katekep na takot tan giwgiw anggad nagnagnap lay kilalaban yo,

FILIPOS 1:27

Kanyan, agagi, gawa yoy anggaay nayarian yon mambilay onung ed Maung a Balitan nipaakar ed Cristo. Diad ontan, makakar ak man ditan a nanengneng ta kayo o andi la, narengelan kon mansiasiansia kayod saksakey a getma tan mankakasakey kayon mangyagel ed Maung a Balita.

2 CORINTO 11:1

Anosan yo ak komun no bilang ta singa ak makulang-kulang.

1 CORINTO 4:18

Wala rad sikayoy mapaatagey, ta abaloan dan ag ak la onlad tan.

Saray Gawgawa 26:29

Inmebat si Pablo, “Diad antikey o andokey a panaon, iyabuloy komuy Dios ya aliwan sika labat, no ag ingen amin a makakadngel ed siak natan, so magmaliw met komun a singa siak—likud labat ed sayan inkabalur koy golung-golung!”

Jeremias 28:6

Inkuanko, “Amen! Ilaloan kon gawaen na Katawan so ontan. Ilaloan kon sumpalen na Katawan ira tan ya amin a salitam. Ipawil to komun manlapud Babilonia iray amin a kayamanan ed Timplo tan saray amin a totoon adakep ed arawin lugar.

Isaias 5:21

Pakaskasi kayo la! Ipapasen yoy sikayon dili a makabat, mapalalon marunong a talaga.

Probirbio 25:14

Saray totoon mangisisipan a mangiter ya ag da lamlamang totooren et aliling day lorem tan dagem ya ag lamlamang mangipepelag na oran.

Saray Bilang 11:29

Inmebat si Moides, “Nununoten mo so pankaabigan ko? Oy la komun a say Katawan et iter tod amin a totoo to so ispiritu to tan paeyagan to ran amin a singa saray propita!”

Mateo 5:1

Anengneng nen Jesus a dakerakel iray totoo, kanyan linmad nipokdul a pasen tan inmirung diman. Dinago na saray disipulo to,