1 CORINTO 4:14 - Maung A Balita Biblia

¹⁴ Isusulat ko ra ya, aliwan lapud labay ta kayon pabaingan, no ag ingen lapud labay ta kayon simbawaan, a singa ta kayo inararon anak.

Maung a Balita Biblia

¹⁴ Isusulat ko ra ya, aliwan lapud labay ta kayon pabaingan, no ag ingen lapud labay ta kayon simabawaan, a singa ta kayo inararon anak.

1 CORINTO 4:14 Referans Kwoze

1 TESALONICA 2:11

Kabkabat yo no panoy impangipasen mid sikayo; singa kami ama na balang sakey ed sikayo.

3 Juan 1:4

Anggapo lay makapaliket ed siak nen say pakarengel koy balitan mambibilay ed katwaan iray anak ko.

1 CORINTO 9:15

Balet anggapoy inkanak ed sarayan kanepegan ko, tan aliwan say pikekerew koy pambilay ko so makasengeg na pansusulat kod saraya. Lablabayen ko niy ompatey nen say pagmaliwen dan andi-kakanaan so makanepegan a pampasirayew ko!

1 CORINTO 4:15

Ta anggan samplon liboy managbangat yon nipaakar ed pambibilay yon Cristiano, saksakey labat so ama yo. Ta diad pikakasakey yod Cristo Jesus anak ta kayo, diad panamegley na Maung a Balitan impupulong kod sikayo.

1 TESALONICA 5:14

Agagi, ipurek mid sikayo a bilin yo ray mangiras, pabiskeg yo ray mabaing, tulongan yo ray makapoy, tan anosan yo ran amin.

COLOSAS 1:28

Kanyan ipupulong miy Cristo ed amin a katoowan. Diad anggaay walan kakabatan mi, sisimbawaen tan babangatan miy amin a katoowan, pian say balang sakey niarap mi ya anggapoy pakabalawan ed sikato diad arap na Dios, lapud pikakasakey ed Cristo.

2 CORINTO 12:19

Abaloan yo lagi, nanlapud gapo ya anggad natan, iyaagel miy sikamin dili ed arap yo. Andi! Mansasalita kami diad arap na Dios onung ed labay nen Cristo. Amin a gagawaen mi, inararon agagi, et pankaabigan yo.

2 CORINTO 11:11

Akin et imbagak ya? Lapu kasin ag ta ki inaro? Kabat na Dios ya inaro ta kayo!

2 CORINTO 7:3

Ibabagak ya, aliwan say sintinsiaan ta kayon nadusa. Ta singa samay imbagak la, inararo mi kayo tan manoolup itayod bilay o patey.

1 CORINTO 15:34

Pawil kayod maptek a panagnunot yo tan ibeneg yo la ray kasalanan yo. Pigarad sikayo so ag makapikabat ed Dios; ibabagak ya, pian nabaingan kayo.

1 CORINTO 6:5

Kababaing kayo! Anggapo la sirin ed sikayoy makabat a sarag toy mangariglod siblangay sanaagi?

Saray Gawgawa 20:31

Kanyan manalwar kayo, tan ag yo lilingwanan a diad loob na taloy taon, labi may agew, andi-tondan binabangatan koy balang sakey ed sikayo, tan amayamay a lua so tinmeterter ed saray matak lapud saya.

Ezekiel 3:21

No pasakbayan mon ag mankasalanan so sakey a toon matonung, et dengelen to ka tan ag mankasalanan, mansiansian mambilay, tan nilaban moy bilay mo.”

1 CORINTO 4:17

Lapud saya, ibakik ditay Timoteo a matoor tan inararok ya anak ed Katawan. Sikatoy mangipanunot ed sikayo na panagbilay a totombuken ko, diad pikakasakey kod Cristo Jesus. Ibabangat ko met yan panagbilay ed amin ya iglisiad inerman a pasen.

2 TESALONICA 3:14

No wala bilang so ag mangonur ed saray ibabaga mid sayan sulat, tandaan yo tan ag yo pipiolupan, pian ombaing.

Filemon 1:10

Kanyan walay kerewen kod sika, nipaakar ed kinen Onesimo ya anak kod pananisia, ta atanggoyur kon manisia legan ya apriso ak.

1 Juan 2:1

Anak ko, isulat ko ya pian ag kayo manggaway kasalanan. Balet no walay mankasalanan, walay matonung a Jesu-Cristo a mangipipikasid sikatayo ed Ama.