1 CORINTO 3:12 - Maung A Balita Biblia

¹² Wala ray mangikanay balituk, pilak, odino mabmablin bato ed pangituloy day pangipaalagey; wala ray mangikanay kiew, dika, odino dayami.

Maung a Balita Biblia

¹² Wala ray mangikanay balituk, pilak, odino mabmablin bato ed pangituloy day pangipaalagey; wala ray mangikanay kiew, dika, odino dayami.

1 CORINTO 3:12 Referans Kwoze

2 Timoteo 4:3

Ta onsabiy panaon a saray totoo et ag da naanosan a dengelen so tuan bangat, no ag ta onuren da lay labay da, tan mangala ra na saray bumabangat ya anggapoy arum ya ibangat da no ag saray labalabay dan dengelen.

2 Timoteo 3:7

Bibii ran aral ya aral, balet ag dan balut nakabatay katwaan.

2 Timoteo 2:20

Diad abung a baleg, aliwan amin ya ikakana et balituk tan pilak. Wala met iray kiew tan dalin. Saray arum nikakana no walay nidoma-doman okasion; saray arum nikakana ya inagew-agew.

Puyan 21:18

Baton haspi may padir, tan puron balituk imay siudad, tan malinew a singa kristal.

Puyan 3:18

Kanyan sisimbawaen ta kan manaliw kad siak na balituk a pinapurod apoy, pian magmaliw kan mayaman. Manaliw ka met na ampotin kawes, pian nasakuban moy makapabaing ya inkalakseb mo. Manaliw ka met na tambal a para saray matam, pian makanengneng ka.

1 Pedro 1:7

Say balituk a naderal, iparalad apoy pian naamtaan no tuan puro. Ontan met, say pananisia yo a maung nen say balituk, nasubok pian naamtaan no tuan malet. Diad ontan napagalangan, nadayew, tan nitanduro kayo no Agew a nipanengneng si Jesu-Cristo.

Saray Salmo 119:72

Say ganggan ya inter mo et mablid siak, nen say nilibo a balituk tan pilak.

Saray Salmo 19:10

Pampilpilalekan nen say sankaabigan a balituk; masamsamit nen say sankapuroan a dilo.

Puyan 2:14

Balet wala ray pigaran bengatla ya ag ko labay ed sika: wala ray pigarad sikayon ontotombuk ed bangat nen Balaam ya angibangat ed kinen Balak na pankasalananan na saray Israelita. Lapud saya angan iray kakanen ya imbagat ed saray talintaoy diriyos, tan nankasalanan iray inmoralidad.

Saray Hebreo 13:9

Ag yo iyaabuloy ya ibalang kayoy nambabangil tan nidoma-doma ran bangat. Magmaung nin napabiskeg so linawa tayo diad panamegley na baleg a panangaroy Dios, nen say diad panamegley na pangonur ed saray ganggan a nipaakar ed panangan. Anggapoy nagugunggona da ray mangoonur ed sarayan ganggan.

2 Timoteo 3:13

Balet magmaliw a lalon maoges iray managgaway kaogsan tan manamalingo. Ituloy day pamalingo rad arum, balet napalingo met ira.

1 Timoteo 6:3

Siopamay mangibangat na nidoman bangat tan ag onabubon ed saray tuan salita na Katawan tayon Jesu-Cristo tan say bangat a nipaakar ed rilihion tayo,

COLOSAS 2:8

Manasikaso kayo sirin, pian ag ki nasamsam na anggan siopa diad panamegley na andi-kakanaan tan makabalang a kakabatay too a manlalapud nipatawir iran bangabangat tan manlalapud saray manangiwanwan na sayan mundo, aliwan manlalapud Cristo.

2 CORINTO 2:17

Aliwa kamin singa saray amayamay a totoon panninigosioan day salitay Dios. Ingen, lapud imbaki kamiy Dios tan aripen kami nen Cristo, matoor kamin mansalita diad arap na Dios.

Saray Taga Roma 16:17

Kerewen kod sikayo, agagi, alwaran yo ray manangigapoy pansisian da ray kabyangay iglisia, a dederalen day pananisiay totoo tan susumlangen day bangat ya inawat yo. Paliisan yo ra.

Saray Gawgawa 20:30

Onsabi met so panaon a wala rad sikayoy mantila a pamatombuk dad saray disipulo, pian nibalang da ra.

Jeremias 23:28

Say propitan walay kogip to nepeg ton ibaga a sakey labat a kogip, balet say propitan walad sikatoy salitak nepeg a matoor ton ipulong. Antoy piparaan na dayami ed ilik?

Isaias 60:17

“Balituk so iyakar kod sika, aliwan gansa, Pilak tan gansa, aliwan balatyang tan kiew, Balatyang, aliwan bato. Ag ka la pairapen na saray manoley mo; Panoleyen ko ra ed inkatonung tan kareenan.

Probirbio 30:6

No ibagam ya imbaga toy bengatlan ag to imbaga, pampasnukan to ka tan ipanengneng ton matila ka.”

Probirbio 16:16

Maung nin amimpiga so nawalaan na kakabatan tan pakaamta nen say nawalaan na balituk tan pilak.

Probirbio 8:10

Pilim so bilin ko, aliwan say pilak; pilim so pakatalus, aliwan say sankapuroan a balituk.

2 CORINTO 4:2

Inkaindan mi la ray maamut tan makapabaing a gawa. Ag kami mamapalingo odino mamipikewet na salitay Dios. Diad liwaway katwaan, mambibilay kami ed arap na Dios, tan imamatalek miy sikamin dili ed balang konsinsia na too.

1 CORINTO 3:11

ta anggapo lay arum a pundasion a nayarin iletneg, likud ed samay niletneg la, a si Jesu-Cristo.

1 CORINTO 3:13

Naamtaan so klasiy kimey na balang too no ipatnag la na Agew nen Cristo. Ta say apoy na satan ya Agew so manubok tan mangipatnag na klasiy kimey na balang too.

Exodo 5:12

Kanyan saray Israelita linma ra ed intiron dalin na Egipto a nanaanap na dayami.