1 CORINTO 16:19 - Maung A Balita Biblia

¹⁹ Ibabano da kayo ray iglisiad Asia. Diad ngaran na Katawan, ibabano da kayo met iray sanasawan Akila tan Priscila tan saray kabyangay iglisia a mantitipon ed abung da.

Maung a Balita Biblia

¹⁹ Ibabano da kayo ray iglisiad Asia. Diad ngaran na Katawan, ibabano da kayo met iray sanasawan Akila tan Priscila tan saray kabyangay iglisia a mantitipon ed abung da.

1 CORINTO 16:19 Referans Kwoze

Saray Gawgawa 18:2

Nabet tod may Aquila, sakey a Judion taga Ponto. Kasabi-sabi to nin nanlapud Italia a kaiba toy Priscila ya asawa to, ta pinataynan nen Impirador Claudio ray amin a Judio ed Roma. Nila nen Pablo ran pinasiar.

Puyan 1:11

Inkuanto, “Isulat moy nanenengneng mo, tan ipawit mo ed saray pitoran iglisia a walad Efeso, Esmirna, Pergamo, Tiatira, Sardis, Filadelfia, tan Laodicea.”

1 Pedro 1:1

Sayan sulat nanlapud kinen Pedro ya apostol nen Jesu-Cristo— Diad saray totoon pinili na Dios ya ataytayak tan mimiayam irad nandoroman baley na saray luyag na Ponto, Galacia, Capadocia, Asia, tan Bitinia.

Filemon 1:2

tan diad iglisia a mantitipon ed abung to, diad kinen Apia ya agi min bii, tan diad kinen Arkipo a kapara min sondalo:

2 Timoteo 4:19

Ibanoan mo ak pad kindi Priscila tan Akila, tan diad pamilya nen Onesiforo.

COLOSAS 4:15

Ibanoan yo kami pad saray agagin taga Laodicea, ontan met ed kinen Nimfa tan say iglisian mantitipon ed abung to.

Saray Taga Roma 16:15

Ibanoan yo ak ed kindi Filologo, Julia, Nereo tan si agi ton bii, si Olimpas tan amin a kaiba ran totooy Dios.

Saray Gawgawa 19:10

Duay taon yan ginawa to, kanyan amin a manaayam ed Asia, Judio o Grigo man ira, nadngel day salitay Katawan.

Saray Gawgawa 18:26

Diad sinagoga, nansalitan anggapoy takotakot. Nen nadngel di Priscila tan Aquila, intagar dad abung tan malinew dan impaliwawa ed sikato ray bengatlan ag to ni amtan nipaakar ed Dalan na Dios.

Saray Gawgawa 18:18

Nanayam ni na amayamay ya agew si Pablo ed Corinto, insan nampatanir ed saray agagid man. Nen sinmabid Cencrea, nampapoklis lapud walay sinambaan to. Insan binmaliw lan onlad Siria, a kaiba to ray sanasawan Priscila tan Aquila.

Saray Gawgawa 2:9

Taga itayo Partia, Media, tan Elam; taga Mesopotamia, Judea, tan Capadocia, taga Ponto tan Asia;

Saray Gawgawa 16:6

Nambiahi ra di Pablo, Silas, tan Timoteo ed pasen a nasasakopan na Frigia tan Galacia, lapud sinebelan ira na Ispiritu Santo a mampulong irad Asia.