1 CORINTO 15:17 - Maung A Balita Biblia

¹⁷ No ag naolid bilay si Cristo, anggapoy kakanaay pananisia yo tan ag kayo ni naokpus ed saray kasalanan yo.

Maung a Balita Biblia

¹⁷ No ag naolid bilay si Cristo, anggapoy kakanaay pananisia yo tan ag kayo ni naokpus ed saray kasalanan yo.

1 CORINTO 15:17 Referans Kwoze

Saray Taga Roma 4:25

Pinatey si Jesus lapud saray kasalanan tayo, tan pinaolid bilay pian napaandi ray kasalanan tayod arap na Dios.

1 Pedro 1:3

Nagalang komuy Dios tan Ama na Katawan tayon Jesu-Cristo! Lapud baleg a panangasiy Dios Ama, initdan to itayoy balon bilay diad panamegley na inkiolid bilay nen Jesu-Cristo. Sayan balon bilay so angiter ed sikatayoy mabilay ya ilalo,

1 CORINTO 15:14

Et no ag naolid bilay si Cristo, anggapoy kakanaay pampupulong mi tan say pananisia yo.

1 Pedro 1:21

Diad panamegley to, manisia kayod Dios ya amaolid bilay tan amagalang ed sikato, et diad ontan niletneg ed Dios so pananisia tan ilalo yo.

Saray Taga Roma 5:10

Kabosul itayoy Dios nen saman, balet natan kakaaro to ti la diad panamegley na impatey na Anak to. Natan ta kakaaro itayo lay Dios, lalon andi-saew a nilaban itayo diad panamegley na bilay nen Cristo!

1 CORINTO 15:2

Nilaban kayo diad panamegley na Maung a Balitan impulong ko no bembenan yon malet—likud labat no anggapoy kabaliksan na impanisia yo.

Saray Gawgawa 5:31

Intanduroy Dios ed nikawanan to tan ginawa ton Pangulo tan Manangilaban a mangiter ed saray totood Israel na pankanawnawa ran mampatauli tan mangibeneg ed saray kasalanan da, pian napirdona ra.

Ezekiel 33:10

Say Katawan akisalitad siak. Inkuanto, “Sika a toon ompatey, olit mon ibagad saray Israelita so sasalitaen da: ‘Nabebelatan kami lapud saray kasalanan tan saray kaogsan mi. Onkakapoy kami lan onkakapoy. Panon niy pambilay mi?’

1 CORINTO 15:16

No ag naolid bilay iray inaatey, ag met sirin naolid bilay si Cristo.