1 CORINTO 14:35 - Maung A Balita Biblia

³⁵ No walay labay dan amtaen, tepeten da lad kaasawaan da no kasabi rad abung, ta mabambanday so sakey a biin mansalita ed pantitipon da ray kabyangay iglisia.

Maung a Balita Biblia

³⁵ No walay labay dan amtaen, tepeten da lad kaasawaan da no kasabi rad abung, ta mabambanday so sakey a biin mansalita ed pantitipon da ray kabyangay iglisia.

1 CORINTO 14:35 Referans Kwoze

1 Pedro 3:7

Sikayo ra met a lalaki, talusan tan pagalangan yoy kaasawaan yo diad piaamung yod sikara, ta makapoy ira tan kapara yo ran manawir na bilay a rigaloy Dios. Diad panggawa yod saya, ag nasebelay pikakasi yo.

TAGA-EFESO 5:12

(Ta talagan mabambanday ya anggan bitlaen labat so gagawaen dad amut.)

1 CORINTO 11:14

Ag kasi natural a mabanday ed laki so mamparokey na buek?

1 CORINTO 11:6

No ag labay na sakey a bii so mampandung, mampakiskis la laingen na olo to. Balet lapud makapabaing ed sakey a bii so mampakatli o mampakiskis na olo to, nepeg a mampandung.

1 CORINTO 14:34

nepeg a mandeen iray bibii diad pantitipon na saray kabyangay iglisia. Ta ag nayarin mansalita ra diad ontan iran pantitipon; nepeg a sikaray paoleyan onung na ibabagay Ganggan.

1 CORINTO 14:36

Ompan nababaloan yo a nanlapud sikayoy salitay Dios? O sikayo labat so akaawat?