1 CORINTO 14:33 - Maung A Balita Biblia

³³ Ta say Dios aliwan Dios na golo, no ag ingen Dios na kareenan. Onung na nepeg a nagawad amin da ray iglisia na totooy Dios,

Maung a Balita Biblia

³³ Ta say Dios aliwan Dios na golo, no ag ingen Dios na kareenan. Onung na nepeg a nagawad amin da ray iglisia na totooy Dios,

1 CORINTO 14:33 Referans Kwoze

1 CORINTO 14:40

Nepeg a maabig tan maoksuy so panggawa yod antokaman.

2 TESALONICA 3:16

Say Katawan a dili a sobul na kareenan et itdan to kayo komuy kareenan diad amin a panaon tan diad amin a pamaakaran. Walad sikayon amin komuy Katawan.

TAGA GALACIA 5:22

Balet say bungay Ispiritu et aro, liket, deen, anos, panangasi, kaabigan, katooran,

1 CORINTO 11:16

Balet no walay labay toy misangsangan nipaakar ed saya, anggapoy nibagak no ag saya: anggapoy arum ya ogali mi tan saray iglisia na Dios.

Saray Hebreo 13:20

Say Dios a panlapway kareenan so amaolid bilay ed Katawan tayon Jesus, a sikatoy Matalonggaring a Pastol da ray karniro, lapud dala ton amaneknek na andi-anggaan a sipanan.

1 CORINTO 7:17

Nepeg a mambilay so balang sakey ed sikayo onung ed langkap na Katawan ed sikato tan onung ed kipapasen to nen tawagen na Dios. Onyay ibabangat kod amin ya iglisia.

1 CORINTO 7:15

Balet no labay na asawan aliwan mananisia so misiyan ed asawa ton Cristiano, paolyan yo labat. Diad satan a nagawa, bolus lay Cristiano ya asawa, bii man o laki, ta tinawag itayoy Dios ed mareen a panagbilay.

Saray Taga Roma 15:33

Walad sikayon amin komuy Dios a panlalapway kareenan tayo. Amen.

Lucas 2:14

“Galang ed Dios ed tawen a sankatageyan, tan diad dalin kareenan ed saray totoon pakaliliketan to!”

1 CORINTO 4:17

Lapud saya, ibakik ditay Timoteo a matoor tan inararok ya anak ed Katawan. Sikatoy mangipanunot ed sikayo na panagbilay a totombuken ko, diad pikakasakey kod Cristo Jesus. Ibabangat ko met yan panagbilay ed amin ya iglisiad inerman a pasen.

Saray Gawgawa 9:13

Inmebat si Ananias, “Katawan, amayamay lay akadngelan ko na nipaakar ed sayan too. Agaylay oges konoy ginawa tod saray totoom ed Jerusalem.

1 CORINTO 14:32

Saray walay langkap a mampulong na salitay Dios nepeg a napatonda ray laman dan dili.

2 CORINTO 12:20

Mapaga ak, ta ag la pigan no onla ak ditan, et narumog kon nidoma kayod labay kon kipapasen yo tan nidoma ak ed labay yon kipapasen ko. Ompano narumog kon walay pankokolkolan, paniimonan, pampepetangay olo, pansisibletan, pampapaogesan, pantatalabutoban, pampapaatageyan, tan panggogolowan.

Saray Bilang 7:11

say Katawan kuantod kinen Moises, “Ibagam ed sikara a diad loob na labinduan agew, sakey ed sikara kapag sakey ya agew so mangyapay na saray rigalo ton para pangisaklang na altar.”