1 CORINTO 12:28 - Maung A Balita Biblia

²⁸ Impasen na Dios ed iglisia, onona, saray apostol; onkumadwa, saray propita; onkumatlo, saray bumabangat. Insan impasen to ray managgawa na milagro, saray walay pakayarin mamaabig na mansasakit, saray mananulong, saray inkargado na kimey, tan saray managsalitay nandoroman salita.

Maung a Balita Biblia

²⁸ Impasen na Dios ed iglisia, onona, saray apostol; onkumadwa, saray propita; onkumatlo, saray bumabangat. Insan impasen to ray managgawa na milagro, saray walay pakayarin mamaabig na mansasakit, saray mananulong, saray inkargado na kimey, tan saray managsalitay nandoroman salita.

1 CORINTO 12:28 Referans Kwoze

1 CORINTO 12:18

Balet, onung ed labay na Dios, impasen tod laman iray nandoroman kabyangan.

TAGA-EFESO 3:5

Nen inmonan panaon, sayan niamut a katwaan et ag akabatay katoowan, balet natan impaamta na Dios, diad panamegley na Ispiritu, ed saray masanton apostol tan saray masanton propita to.

Saray Hebreo 13:24

Ibanoan yo kami pad saray pangulo yo tan amin a totooy Dios. Ibabano da kayo ray agagin walad Italia.

Saray Hebreo 13:17

Toluk kayod saray pangulo yo tan sumpal yo ray ganggan da. Aasikasoen da ray kamarerwa yo, ta ebatan dad Dios yan panlilingkur dad sikayo. No onuren yo ra, maliket iran manumpal na kanepegan da; no andi, maermen iran manumpal, tan anggapoy kamaungan a niiter to yad sikayo.

1 Timoteo 5:17

Nakaukolan a dobli so upa ya awaten da ray mamatakken a marakep so pangipapangulo ra, lautlad saray mamapasyan mampupulong tan mambabangat.

TAGA-EFESO 2:20

Nipaalagey ki met ed tapew na pundasion ya inletneg na saray apostol tan saray propita, say baton suyok, a salanti si Cristo Jesus.

Saray Gawgawa 20:28

Asikaso yoy sikayon dili tan amin a karniro, salanti saray kabyangay iglisia a sikaray impia ed sikayo na Ispiritu Santo. Asikaso yoy iglisia na Dios a dinondon to diad panamegley na dala ton dili.

Saray Bilang 11:17

Onakseb ak tan mitongtong ak ed sikad man, insan mangala ak ed ispiritun inter kod sika tan iter kod sikara. Diad satan natulongan da kan mangasikaso ed sarayan totoo, et ag mo la bukor so mangasikaso.

1 CORINTO 10:32

Mambilay kayo ya aliwan sikayoy panlapwan na pankasalanay siopaman—saray Judio, saray Grigo, o saray kabyangay iglisia na Dios.

Lucas 6:14

Sikara yay pinili to: si Simon ya nginaranan toy Pedro, tan si Andres ya agi to; si Santiago tan si Juan, si Felipe tan si Bartolome,

Marcos 16:17

Saray mananisia naitdan ira na saray tanda na pakayari: papawayen da ray dimonyo ed ngaran ko; mansalita ray nandoroman salita;

Saray Gawgawa 11:27

Diad saman met a panaon, wala ray propitan nanlapud Jerusalem a linmad Antiokia.

1 CORINTO 12:29

Aliwan amin da et apostol, o propita, o bumabangat. Ag ira naitdan ya amin na pakayarin manggaway milagro,

1 CORINTO 12:30

o mamaabig na mansasakit, o mansalitay nandoroman salita, odino mangipatalus ed sarayan salita.

1 CORINTO 14:2

Say toon mansasalitay nandoroman salita et say Dios so pitotongtongan to, aliwan say totoo, ta anggapoy makatalus ed sikato. Mansasalita na niamut iran katwaan lapud pakayari na Ispiritu.

1 CORINTO 14:4

Say toon mansalitay nandoroman salita et pabiskegen to labat so maispiritun bilay to, balet say toon mampulong na salitay Dios pabiskegen toy iglisia.

1 CORINTO 14:5

Labay ko komun a makapansalita kayon amin na nandoroman salita, balet nagkalalon pilalek ko a makapampulong kayon amin na salitay Dios. Makana niy toon mampulong na salitay Dios nen say toon mansalitay nandoroman salita, likud labat no walay mangipatalus ed salitaen to, pian makatulong ed ibiskeg na iglisia.