1 CORINTO 12:12 - Maung A Balita Biblia

¹² Si Cristo et singa sakey a laman ya amayamay so kabyangan to; anggaman a titibokeley nandoroman kabyangan, saksakey ni lamlamang yan laman.

Maung a Balita Biblia

¹² Si Cristo et singa sakey a laman ya amayamay so kabyangan to; anggaman a titibokeley nandoroman kabyangan, saksakey ni lamlamang yan laman.

1 CORINTO 12:12 Referans Kwoze

COLOSAS 3:15

Panoley yod puso yo so kareenan ya iter nen Cristo, ta sikato yay anawagay Dios ed sikayon amin pian magmaliw kayon kabyangay saksakey a laman. Misalamat kayo met.

1 CORINTO 12:27

Amin yo sirin et saksakey a laman nen Cristo, tan balang sakey et kabyangan to.

COLOSAS 2:19

Ag to mikakasakey ed Cristo ya olo tan kawalaay pakayari ed intiron laman, a natatagano tan naooksuy na saray langolangowan tan olaolat. Sikatoy mamapabaleg ed laman, onung ed linaway Dios.

TAGA-EFESO 4:4

Walay saksakey a laman tan saksakey ya Ispiritu; ontan met a walay saksakey ya ilalon anawagay Dios ed sikayo.

1 CORINTO 10:17

Lapud saksakey so tinapay saksakey itayon laman, anggaman ya amayamay itayo, ta saksakey a tinapay so pannanabangan tayo.

TAGA-EFESO 5:30

ta kabyangan itayo na laman nen Cristo.

COLOSAS 1:18

Si Cristo so olo na iglisia a laman to. Sikatoy nanlapwan na amiamin tan pangulowan ya Anak ya inmona-onan inmolid bilay, pian sikato so magmaliw a manona ed amin a ganagana.

TAGA-EFESO 5:23

Ta say laki et pangulo na asawa to, a singa si Cristo et pangulo na iglisia. Si Cristo met so Manangilaban na iglisia a laman to.

TAGA-EFESO 4:12

Ginawa to ya a pangiparaan tod amin a totooy Dios ed panlingkur da, pian ombolaslas so iglisia, say laman nen Cristo.

TAGA GALACIA 3:16

Natan, wala ray sipay Dios ed kinen Abraham tan say apo to. Ag ibabagay Masanton Sulat, “tan saray apo to,” a say labay ton ibaga et amayamay, no ag ingen “tan say apo to,” a say labay ton ibaga et saksakey tan si Cristo ya.

COLOSAS 1:24

Makaliliket ak natan ed paniirap ko para sikayo, tan nitutuloy koy kairapan a nepeg nin liknaen nen Cristo para laman to, salanti say iglisia.

TAGA-EFESO 1:23

Say laman nen Cristo et say iglisia, say inkagnapan na mangiiter na inkagnap na amiamin a bengatla.

1 CORINTO 12:7

Say kiwawalay Ispiritu nipapatnag ed balang sakey diad nandoroman nengneng, a para kaabigan na amin.

1 CORINTO 12:20

Say katwaan to, amayamay so kabyangan balet saksakey so laman.