1 CORINTO 11:5 - Maung A Balita Biblia

⁵ Say biin ag akapandung a mampikasi o mampulong na salitay Dios, pabaingan toy asawa to; singa biin kiskis so olo to.

Maung a Balita Biblia

⁵ Say biin ag akapandung a mampikasi o mampulong na salitay Dios, pabaingan toy asawa to; singa biin kiskis so olo to.

1 CORINTO 11:5 Referans Kwoze

Deuteronomio 21:12

Isempet yod abung yo a diman mankiskis na olo to, mankoko,

Lucas 2:36

Wala met so sakey a biin propita ya akolakolaw la. Manngaray Anna tan anak nen Fanuel a kabyangay tribu nen Aser. Pitoy taon labat ya akiamung ed asawa to,

Saray Gawgawa 2:17

‘Onyay gawaen ko no kaonuran iran agew, inkuay Dios: ibung kod balang sakey a too so Ispirituk. Ibawag na saray anak yon lalaki tan bibii so balitak; makanengneng na saray pasingayew iray tobun-balo yo tan nawalaan na saray kugip iray mamatakken yon lalaki.

1 CORINTO 14:34

nepeg a mandeen iray bibii diad pantitipon na saray kabyangay iglisia. Ta ag nayarin mansalita ra diad ontan iran pantitipon; nepeg a sikaray paoleyan onung na ibabagay Ganggan.

Saray Gawgawa 21:9

Walay apatiran anak ton mamarikit a walay langkap dan mampropisiya.

Isaias 47:2

Patelek moy gilingan! Manggiling kay arina! Ekal moy pandung mo! Lakseb moy marakep a kawes mo! Itagey moy paldam diad ibaliw mod saray kolus.

1 CORINTO 11:4

Kanyan say lakin akapandung no mampikasi o mampulong na salitay Dios, pabaingan toy Cristo.

1 CORINTO 11:6

No ag labay na sakey a bii so mampandung, mampakiskis la laingen na olo to. Balet lapud makapabaing ed sakey a bii so mampakatli o mampakiskis na olo to, nepeg a mampandung.