Solomon 8:10 - Manobo Western Bukidnon OT

¹⁰ Wazè e pa mehileveti ne is menge susu ku henduen be te menge turi. Ne kuntintu is minahal ku kediey.

Solomon 8:10 Referans Kwoze

Ezekiel 16:7

Impezekelè ku sikew iring te pinemula ziyà te vevesukà. Midekelè ka he nehimu he mekempet he raǥa. Nepurma is menge susu nu wey mibmelayat is bulvul nu, piru lelevas ka ǥihapun.

Isaias 60:10

Migkeǥiyan te Nengazen is Jerusalem te, “Ebengunen te menge lumelengyawà is menge verengbeng nu, ne ebpenilbi kenikew is menge hadì dan. Minsan midsilutan ku sikew tenged te pauk ku, egkehizuwan ku zed sikew tenged te keupiya ku.

Solomon 4:5

Is dezuwa he susu nu henduen be te sereping he nati te kuleping he ebpenabtab diyà te zuen duen menge liryu.

Erubasa 3:4

Emun ed-ul-ulahan nu heini, egkezeliǥan ka ne ebpekepenunuat ka te Megbevayà wey menge etew, ne meupiya is kedtengtengi zan kenikew.

Genesis 6:8

Iyan, si Noe mulà, nekepenunuat sikandin te Nengazen.

Solomon 8:11

Si Solomon, duen din pemuleey te paras diyà te Baal Hamon he mibpeseupan din te menge perevasuk dutun. Is kada sevaha kandan mibeǥey ziyà te ki Solomon te 1,000 he vuuk he pelata he iyan bahin ni Solomon te bali te pruduktu zutun te pemuleey.

Solomon 4:4

Is lieg nu henduen be te turi ni David he utew mekempet is kebenguna zuen. Mibelieǥan heini te henduen be te utew mahabet he kelasag te menge sundaru.