Solomon 5:1 - Manobo Western Bukidnon OT

¹ Midseled a ziyà te pemuleey ku, pelanggè ku he minahal. Mid-amur-amur ku is mira ku wey menge pehemut ku. Migkaan a te teneb ku wey mid-inum a te vinu ku wey ǥatas ku. Sikiyu is mibminahalà, megkaan kew wey med-inum.

Solomon 5:1 Referans Kwoze

Solomon 6:2

Midhendiyà is minahal ku te pemuleey zin he neeneb te menge pinemula he ebeelan he pehemut. Ebpepenabtab sikandin dutun te menge uyaǥen din wey ebpenguwa te menge liryu.

Solomon 4:16

Sikiyu is keramag he ebpuun diyà te zizaya wey zivavà. Hiyupa niw is pemuleey ku su wey mekepeyapat is kehemut kayi. Ipehendiyà is minahal ku te pemuleey zin su wey mekekaan te kinemeupiyahan he menge veǥas te pinemula kayi.

Erubasa 9:5

Hendiyè kew wey kew mekekaan te keenen he in-andam ku, ne wey kew zaan mekeinum te vinu he inteǥana ku.

Isaias 66:14

Emun egkemetmetahan niw en heini is mibpengaǥi ku, ne utew kew egkelipey, ebmelig-en kew egkeiring kew te pinemula he mehinuvù. Ibpaahà te Nengazen is gehem din diyà te menge suluǥuen din, piru ibpeehè din diyà te menge kuntada zin is pauk din.

Isaias 65:13

Umbe, siak, is Nengazen he MEGBEVAYÀ migkaǥi a te, ‘Ebpekekaan wey ebpekeinum is menge suluǥuen ku, piru sikiyu mulà egkevitil wey egkemezahan kew. Egkelipey zan mulà piru sikiyu ebpeel-elezan kew.

Isaias 61:11

Is tanà ebpetuvù te venì ne is Nengazen he MEGBEVAYÀ ebeǥey te kezeeǥan duma is ketazeng, ne edeliǥen sikandin te menge etew ziyà te langun he menge nasyun.

Isaias 58:11

Layun ku sikiyu egiyahi, ne edhimuwen ku he mekuntintu kew en minsan mereǥen is kebpekesavuk niw. Ebbeǥayan ku sikiyu te meupiya he kedlelawa, ne egkeiring kew te pemuleey he kenà egkekurang is wahig etawa serebseb he kenà egkemezahan.

Isaias 51:3

“Egkenuǥunan ku utew is Jerusalem he nevengkag. Is menge disirtu kayi edhimuwen ku he iring te Eden he pemuleey ku, egkaahà diyà te Jerusalem is kelipey wey kedlipey wey egkezineg kayi he lugar is kebpeselamat wey menge kegkanta.

Solomon 8:13

Ipezineg nu kedì is laǥeng nu, pelanggè ku, iring te ebpemineg daan te laǥeng nu is menge emiǥu nu guntaan te keniyan kew te pemuleey edhiphipanew.

Isaias 53:11

Emun egkeehè din is beǥas te menge ked-antus din, ne egkelipey sikandin. Migkaǥi is Nengazen te, “Pinaaǥi te ketau te metazeng he suluǥuen ku mahabet is ebmetzengen din; ed-antus sikandin para te menge salè dan.

Isaias 23:18

Piru ziyà te huziyan he timpu, is genansya zin ne kenà edtipiǥan, kekenà, idhalad diyà te Nengazen su wey ikepemesa te zekelà he keenen wey meupiya he menge visti he para te menge etew he ebpenilbi te Nengazen.

Isaias 5:1

Egkanta a mehitenged te minahal ku, mehitenged te pemuleey zin te paras: Duen pemuleey te paras te minahal ku ziyà te vuvungan he meupiya is tanà duen.

Solomon 8:1

Angin pezem ke suled ku zà sikew he impesusu ziyà te iney ku, ne egkehimu ke edhezekan ku sikew minsan hendei ne kenà mezaat is ked-isipa kedì te zuma.

Solomon 6:11

Midtupang a ziyà te pemuleey te kayu he almindru su ed-ahaan ku is beǥu he menge pinemula he nenuvù diyà te zal-ug, wey ed-ahaan ku ke neneringsing en be is menge paras wey ke nengevukad en be is menge pumigranata.

Salmo 16:3

Emun bahin te metinumanen he menge etew nu he ziyà med-ubpà te tanà he Israel he utew menge vuutan, dekelà is kelipey ku tenged kandan.

Salmo 147:11

kekenà, iyan is edtahud kandin wey edsarig te ǥaǥew zin.

Zatù 14:11

Dutun te zutun si Samson, mibeǥayan sikandin te 30 he menge vetan-en he menge maama he Filistihanen he egkehimu he zuma zin.

Zatù 14:20

Ne sikan is esawa ni Samson impeesawa te maama he avey ni Samson hein nengesawa sikandin.

Erubasa 24:13

Mama, kaan ka te teneb su meupiya heini para kenikew,

Megwewali 2:5

Mibpevaal a zaan te menge pemuleey he mibpepemulaan ku te langun he kelasi te menge prutas.

Solomon 1:13

Is minahal ku mehemut iring te veyewà dutun te ed-ulun sikandin diyà te kumeng ku.

Solomon 4:8

Duma ka kediey puun te Lebanon, minahal ku. Edtupang ki puun te puntur te menge vuntud te Amana, Senir, wey Hermon, he ed-ubpaan te menge erimaung wey menge liyupardu.

Genesis 37:25

Ne te egkaan sikandan, ne zuen dan nepantew he ebpemelingguma he nigusyanti he menge Ismailihanen he ebpuun diyà te Gilead. Duen menge kemilyu zan he migkergahan dan te menge penaket, bawì, wey menge perehemut he ed-uwiten dan diyà te Ehipto.