Solomon 2:3 - Manobo Western Bukidnon OT

³ Emun idhindeg te zuma he vetan-en he menge maama, is minahal ku, ne iring sikandin te mensanas he zuma te menge kayu ziyà te ketelunan. Utew ku ingkesuat is kedhelung diyà te sihung din ne meemis is beǥas din.

Solomon 2:3 Referans Kwoze

Solomon 8:5

Hentei ves heini is ebpekeuma he ebpuun te sibsivayan he edsandig diyà te minahal zin? Mibpukew ku is gehinawa nu zutun te ziyè ki te sihung te mensanas, he zutun ka meetew.

Isaias 32:2

Is kada sevaha kandan egkehimu he iring te endilungà emun duen mevendes he keramag wey bagyu. Egkeiring daan sikandan te zezeisey he wahig he midtudà diyà te disirtu, wey alung te zekelà he vatu ziyà te meinit wey memaza he lugar.

Isaias 25:4

Iyan ka kes melig-en he eputà te menge pubri emun timpu te kedlised. Helungè ka emun timpu te vagyu wey gulavung. Su is kedsurung te mesipala he menge etew, iring te vagyu he ebpekesuǥat diyà te verengbeng,

Ezekiel 47:12

Edtuvù diyà te pesikilizà duen te wahig he edtudà is nekedseselekawà he menge kayu he ebpemeǥas. Kenà egkeǥangu is menge zahun dan wey kenà egkaamin is menge veǥas dan. Ebpemeǥas heini kada vulan su edtudaan man duen te wahig he ebpuun diyà te valey te Nengazen. Egkekaan is menge veǥas dan ne igkevawi is menge zahun dan.”

Isaias 4:6

Ne egkeiring heini te lawig he egkehelungan emun meinit is andew wey egkehelungan daan amun duen bagyu wey uzan.

Isaias 4:2

Egkeuma is timpu he ibpeuswag wey ibpemekempet te Nengazen is menge pinemula ziyà te Israel, ne is menge sebpet dutun te tanà, egkehimu he zengeg wey kelipey te egkesamà he menge etew ziyà te Israel.

Solomon 5:16

Meupiya he edhezekan is bivig din, ne utew sikandin mekempet. He menge vahi te Jerusalem, iyan sikandin minahal ku; iyan sikandin emiǥu ku.

Solomon 4:16

Sikiyu is keramag he ebpuun diyà te zizaya wey zivavà. Hiyupa niw is pemuleey ku su wey mekepeyapat is kehemut kayi. Ipehendiyà is minahal ku te pemuleey zin su wey mekekaan te kinemeupiyahan he menge veǥas te pinemula kayi.

Solomon 2:5

Ipemezesen a keniyu pinaaǥi te pasas wey menge mensanas, su mibmeluya a tenged te kebmahal ku.

Salmo 91:1

Is minsan hentei he ed-aput diyà te Utew Lavew he Megbevayà he Mekeǥeǥehem, wazà ebpekekaid kandin.

Salmo 89:6

Wazà minsan sevaha ziyà te langit he iring kenikew, Nengazen. Wazà ilengiten he linimbag he igkepetug-iring kenikew.

Salmo 57:1

Kehizuwi a, Megbevayè ku, su ziyà a te kenikew med-aput, iring a te pispis te tagbis he ebpelekup te iney zin. Ed-aput a ziyà te kenikew taman te wazè en bangkit.

Salmo 45:2

Mahal he Hadì, iyan ka utew mezagwey te langun he menge maama, ne is menge lalag he egawas diyà te vèbè nu ebpekeveǥey te keupiyaanan te zuma he etew, su ǥeina te layun ka edtuvazi te Megbevayà.

Zatù 9:15

Ne midtavak haazà is duǥiyen he deisey he kayu te, ‘Emun egkesuat kew he iyan a edhadì keniyu, kinahanglan he edhelung kew kayi te kedì. Iyan, emun kenè niw heeyan ebeelan, ebpeǥawas a te hapuy he ebpeketutung te menge kayu he sidru ziyà te Lebanon.’ ”

Solomon 1:16

Utew ka iyan mekempet, pelanggè ku. Mekewiwili ka zutun te kedhidhizeǥè ta ziyà te meilem he menge sagbet,

Solomon 4:13

Ebpemeǥas heini te pumigranata wey zuma pa he utew meupiya he menge veǥas. Dekelà is egkekuwa kayi he pehemut he hina, nardu,

Solomon 7:13

Egkahazek ta is kehemut te pinemula he mandragura, ne ziyà te uvey te gemawan ta ne zutun is langun he meupiya he menge prutas, is daan wey is beǥu. Su inteǥana ku heini kenikew, pelanggè ku.

Solomon 8:11

Si Solomon, duen din pemuleey te paras diyà te Baal Hamon he mibpeseupan din te menge perevasuk dutun. Is kada sevaha kandan mibeǥey ziyà te ki Solomon te 1,000 he vuuk he pelata he iyan bahin ni Solomon te bali te pruduktu zutun te pemuleey.

Solomon 8:12

Bayèbayè ka, Solomon, emun is bahin nu 1,000 he vuuk he pelata ne is bahin te menge perevasuk nu 200 he vuuk he pelata. Piru ebeyveyaan ku zaan is kediey he egkesuatan mehitenged te pemuleey ku.

Joel 1:12

Egkeǥangu is menge pinemula he paras wey is langun he kayu ragkes en is menge higus, pumigranata, palma, wey mensanas. Benar iyan he egkaawà is kelipey te menge etew.

Salmo 45:3

Inseluniket nu is ispada nu, mevurut he hadì; mekeǥeǥehem ka wey meupiya is dengeg nu.