Solomon 1:4 - Manobo Western Bukidnon OT

⁴ Dumaha a kenikew ne egaangaan ki egenat. Iyan ka hadì ku, ne uwita a ziyà te ruǥu nu. Utew zey sikew igkelipey! Edhuna is kegkesuati zey te kebmahal nu kenà te vinu. Ereg iyan he egkesuatan ke zan!

Solomon 1:4 Referans Kwoze

Hoseas 11:4

Migiyahan ku sikandan duma is ked-elima iring te ked-elima te etew te vaka zin. Iring te midtangtang ku is eyuǥu ziyà te tengel zan ne migkumpayan ku sikandan.

Jeremias 31:3

Dengan mibpaahà is Nengazen te menge Israilihanen he migkaǥi te, “Mahal ku sikiyu te wazà pidtemanan he kebmahal. Tenged te keupiya ku, impeuvey ku sikiyu kayi te kedì.

Zacarias 9:9

Migkaǥi is Nengazen te, “Ugyab kew tenged te kegkelipey is menge meǥinged diyà te Zion, he iyan is inged he Jerusalem, su ebpekeuma is hadì niw. Metazeng sikandin wey mezeeǥen. Kenà sikandin mepelevawen ne ebpekeuma he ed-untud te nati he asnu.

Isaias 63:7

Edtudtulen ku is gaǥew te Nengazen. Edeliǥen ku sikandin tenged te langun he mibeelan din kenitew. Mezakel is meupiya he mibeelan din diyà te kenitew te menge etew ziyà te Israel tenged te zekelà he hizu zin wey kebmahala zin kenitew.

Isaias 45:25

Tenged te tavang te Nengazen, is langun he kevuwazan ni Israel ebpekaangken te kezeeǥan duma is ketazeng, ne edalig dan kandin.

Isaias 25:8

Id-awà te Nengazen he MEGBEVAYÀ is gehem te kemetayen ne ebpunasen din is luhà te langun he menge etew. Id-awè din is keelezan te menge etew zin puun te tivuuk he kelibutan. Egkehitavù heini su iyan migkaǥi kayi is Nengazen

Solomon 3:4

Ne wazè en meuǥet dutun te ked-ewai ku zuen te menge vantey ne neturedu ku is minahal ku. Mibpurungan ku sikandin kepkepi, ne wazè ku en lekai taman te neuwit ku sikandin diyà te valey te iney ku, ziyà te ruǥu he zutun a meetew.

Salmo 149:2

Medlipey kew is menge tig-Israel; ikelipey niw is midlimbag keniyu. Medlipey kew is menge etew ziyà te Zion tenged te hadì niw.

Zefanias 3:14

Migkaǥi si Zefanias te, “Sikiyu is menge meǥinged te Israel, ugyab kew! Sikiyu is menge meǥinged diyà te Zion, he iyan is inged he Jerusalem, kanta kew wey medlipey ziyà te tivuuk he gehinawa niw!

Salmo 119:60

Ne seǥuǥunè ku midtuman is menge suǥù nu.

Salmo 119:32

Ebpeniguduwan ku is kedtuman te menge suǥù nu su ed-umanan nu is kedsavut ku.

Salmo 111:4

Ne ibpetentenuzan din kenitew is egkein-inuwan he menge vaal zin. Meupiya sikandin wey hihizuwen;

Salmo 63:5

Egkekuntintu a iring te etew he nahantey te ǥastu. Ne ed-ugyab a is egkelipey he edalig kenikew.

Salmo 48:9

He Megbevayà, mibpurungan dey ngunngunua is gaǥew nu hein diyè key te seled te valey nu.

Salmo 42:4

Kenà meupiya is isip ku emun egketenuzan ku he zutun te nehuna he timpu iyan a nengulu te mezakel he menge etew te kedhendiyà te valey nu. Ne edsilibra key zuma is ked-ugyab te kegkelipey wey kebpeselamat kenikew.

Solomon 4:10

Utew iyan meemis is kebmahala nu kedì, pelanggè ku he minahal. Meemis pa heini kenà te vinu. Is pehemut nu, ne edhuna pa he mehemut te minsan hengkey he kelasi te pehemut.