Salmo 102:2 - Manobo Western Bukidnon OT

² Kenà a kenikew elesi zutun te timpu te kelised ku. Pemineǥa a emun ebpengumew a kenikew, ne segugunà a tevaka.

Salmo 102:2 Referans Kwoze

Salmo 69:17

Kena a kenikew elesi is suluǥuen nu. Tevaka ad kenikew ǥuntaan su melised is kebpekesavuk ku.

Isaias 8:17

Ebperateng a ziyà te Nengazen minsan pà te mid-iniyuǥan din is menge kevuwazan ni Jacob. Edsarig a ziyà te kandin.

Salmo 27:9

Kenà a kenikew elesi! Kenà a kenikew iselikwey tenged te pauk nu kedì te suluǥuen nu. Iyan ka neketavang kedì, umbe kenà a pesegdana wey iselikwey, Megbevayà he menluluwas ku.

Salmo 104:29

Iyan, ke ebey-anan nu sikandan, ne egkengehandek dan; emun id-awè nu is gehinawa zan, ne ebpematey sikandan ne ebpekelikù sikandan diyà te tanà he iyan ebpuunan dan.

Salmo 70:1

Nengazen he Megbevayà, libriye e en wey tevangi e en guntaan.

Salmo 143:7

Segugunà a tevaka, Nengazen. Naawè en is perateng ku. Kenà a kenikew elesi su kela ke ibpatey ku.

Salmo 71:2

Tevangi a wey luwasa a su metazeng ke man. Pemineǥa a wey luwasa a.

Isaias 43:2

Emun ebayè ka ziyà te wahig, ne eduma a kenikew. Emun edlayun ka ziyà te zezekelà he menge wahig he edtudà ne kenè ka egkelened. Emun ebayè ka ziyà te hapuy, ne kenè ka egketutung; is regreg kayi ne kenà ebpekemenu kenikew.

Salmo 40:13

Nengazen, libriya a kenikew. Tevangi ad guntaan.

Salmo 31:2

Pemineǥa a, ne segugunà a kenikew libriya. Kelesaǥi a he iring te nekeendilung a ziyà te vatu; pengelangi a he iring te nekeeles a ziyà te melig-en he elesà.

Salmo 22:19

Piru, sikew, Nengazen, kenà a kenikew pekeziyui. Iyan ka ebpekeveǥey kedì te zesen ne tevangi ad guntaan.

Salmo 13:1

Nengazen, sengemenu keluǥayad is kenè nu kedseǥipaa kediey? Taman en be heini te wazà pidtemanan? Sengemenu keluǥayad is ked-elesi nu kediey?

Job 34:29

Piru minsan ebpereremek wey ed-eles is Megbevayà, ne wazà ebpekekaǥi he kenà hustu is ebeelan din. Piru is tutuu, ebentayan te Megbevayà is menge etew wey is menge nasyun,

Job 7:21

Emun nekesalà a, ne maan is kenà a kenikew ebpeseyluwen? Kenè en egkeuǥet ne ebpatey ad, ne minsan ebpen-ahaan a kenikew, ne kenà ad kenikew egkaahà.”

Isaias 65:24

Dutun te kenè dan pa ebpekevuyù etawa zutun mismu te kebuyù dan, ne edtevaken ku en sikandan.

Exodus 2:23

Ne hein neuǥet en, mibpatey en sikan is hadì te Ehipto. Ne is menge kevuwazan ni Israel kemulu ǥihapun is kegkengereǥeni zan tenged te ked-uripena kandan. Ne nengemuyù sikandan wey zan metevangi, ne nekeuma haazà diyà te Megbevayà.

Exodus 2:24

Nezineg te Megbevayà is dag-es dan, ne netenuzan din is paaǥi te kebpekid-uyun din diyà te ki Abraham, ki Isaac, wey ki Jacob.

Salmo 17:1

Pemineǥa nu, Nengazen, is pengemuyù ku, para kenà a mevintahai. Pemineǥa nu is utew tutuu he ked-ampù ku.