Numero 4:24 - Manobo Western Bukidnon OT

²⁴ “Is buluhaten te menge kevuwazan ni Gershon iyan is ked-uwit kayi he menge vutang:

Numero 4:24 Referans Kwoze

Numero 4:49

Umbe, sumalà te insuǥù te Nengazen ki Moises, mibilang sikandan ne mibeǥayan te vuluhaten is kada sevaha kandan wey migkeǥiyan ke hengkey is ed-uwiten din.

Numero 4:27

Si Aaron wey is menge anak din iyan edumala te menge kevuwazan ni Gershon mehitenged te vuluhaten dan, ed-uwit daan sikandan te menge gelemiten etawa ebaal te zuma he menge vuluhaten. Iyan kew ki Aaron kaǥi ke hengkey is ed-uwiten dan.

Numero 4:19

Iyan heini veeli niw para kenà sikandan mebpematey emun ed-uvey sikandan duen te utew segradu he menge vutang: Kinahanglan he eduma kandan si Aaron wey is menge anak din emun edseled dan duen te Tulda ne egkeǥiyen diyà te kandan ke hengkey is ereg he ebeelan dan wey kinahanglan he ed-uwiten dan.

Numero 4:15

“Emun egkepasad en ni Aaron wey te menge anak din te edtambun sikan is Tulda he Edtelevukaayan wey is langun he menge gelemiten kayi, ne edtivalen heini te menge kevuwazan ni Kohat dutun te timpu te ked-awè niw puun te kampu niw. Piru kinahanglan he kenè dan semsama heini is segradu he menge vutang su wey zan kenà mebpatey. “Iyan haazà sikan is menge gelemiten duen te Tulda he Edtelevukaayan he ed-uwiten te menge kevuwazan ni Kohat.

Numero 3:25

Iyan sikandan midseriǥan te ked-atur te menge gelemiten duen te Tulda he Edtelevukaayan he iyan heini: menge tambun, is kurtina te gemawan te Tulda,

Numero 4:23

Bilanga nu zaan is langun he maama kandan he is penuiǥen dan 30 pehendiyà te 50 he tuig, he ebpekehimu te kebaal te menge vuluhaten diyà te Tulda he Edtelevukaayan.

Numero 4:25

menge kurtina zuen te Tulda he Ed-ezapan, (egngezanan daan te Tulda he Edtelevukaayan), is langun he menge tambun he para idtambun kayi, wey is menge kurtina te ǥemawan,

Numero 7:7

Imbeǥey zin is dezuwa he kerumata wey heepat he vaka ziyà te menge kevuwazan ni Gershon he para te vuluhaten dan.

Numero 3:26

is menge kurtina ziyà te lama he impeliǥuy zuen te Tulda wey pemuhatà, ragkes en is kurtina te pultahan duen te lama, wey is menge hiket kayi. Kandan he ketengdanan is langun he vuluhaten he para kayi he menge gelemiten.

Numero 10:17

Hein netines en sikan is Tulda he Ed-ezapan, midtival en heini te menge kevuwazan ni Gershon wey menge kevuwazan ni Merari. Ne midtinundug sikandan medhipanew.