Numero 34:4 - Manobo Western Bukidnon OT

⁴ Ne ebulegkù diyà te zivavà pehendiyà te Beyeey te Akbarim, taman te sibsivayan he Zin, ne pehendiyè en te zivavà te Kadesh Barnea. Ne ediritsu heini ziyà te Hazar Adar taman te Azmon,

Numero 34:4 Referans Kwoze

Numero 32:8

Iyan daan heini mibeelan te menge kepuun niw hein impehipanew ku sikandan puun te Kadesh Barnea su wey zan mesusi heini is tanà.

Zatù 1:36

Is dulunà te tanà te menge Amorihanen mibpuun diyà te Beyeey te Akrabim ne taman en te egkehunaan te Sela.

Numero 34:3

“Is dulunà diyà te zivavà iyan is sibsivayan he Zin, he dulunà te Edom. Ebpuun heini ziyà te zapit te zivavà he edsilaan he vahin te Daǥat he Minatey.

Numero 20:1

Hein nehuna he vulan nekeuma is tivuuk he keet-etawan te Israel ziyà te sibsivayan he Zin, ne migkampu zan diyà te Kadesh. Dutun mebpatey si Miriam wey zutun daan ileveng.

Numero 13:26

diyà te ki Moises, ki Aaron, wey ziyà te tivuuk he keet-etawan te Israel ziyà te Kadesh he ziyà te sibsivayan he Paran. Migkaǥi zan diyà te langun he menge etew zutun is neehè dan, ne impeehè dan is uwiten dan he menge prutas.

Numero 13:21

Umbe, midhipanew sikandan ne midsusi zan haazà is tanà puun te sibsivayan he Zin pehendiyà te Rehob he uvey te Lebo Hamat.

Josue 15:1

Is tanà he naangken te tribu ni Juda he mibahin diyà te kada pemilya zan. Nekeuma heini ziyà te dulunà te Edom he zapit egkezivavà, he sungkù te sibsivayan he Zin.