Numero 33:2 - Manobo Western Bukidnon OT

² Sumalà te suǥù te Nengazen, inlista ni Moises is nengeveyaan dan he menge lugar puun te mibpuunan dan.

Numero 33:2 Referans Kwoze

Deuteronomio 10:11

Migkeǥiyan e zin te, ‘Genat kad ne penguluwi nu is menge Israilihanen te kedseled wey ked-angken duen te tanà he impenangdù ku he ibeǥey ku ziyà te menge kepuun niw.’

Deuteronomio 1:2

(Menge 11 he andew emun edhipenawen is ebpuun te Horeb pehendiyà te Kadesh Barnea emun diyè ki ebayà te Buntud he Seir.)

Numero 10:13

Iyan heini nehuna he timpu te kedhipanew zan, he sumalà te suǥù te Nengazen pinaaǥi ki Moises.

Numero 10:6

Ne emun ikezuwa he kebpezeǥinga zuen te trumpita, ne iyan en maan megenat is tribu he egkezivavà duen te Tulda. Is kebpezeǥinga kayi iyan tuus te kebpeǥenata kandan.

Exodus 17:14

Ne migkaǥi is Nengazen diyà te ki Moises te, “Isurat nu heini zuen te libru para kenà heini melipati ne ipehibelu nu heini ki Josue: Edezeetan ku is menge Amalikanhen.”

Numero 33:1

Iyan heini menge lugar he neveyaan te menge Israilihanen hein mid-awè dan en diyà te Ehipto, he iyan pengulu zan si Moises wey si Aaron.

Numero 33:3

Mid-awè dan diyà te Rameses hein ike-15 he andew te nehuna he vulan hein neipus is nehitavù he iyan puunà te Pista te Kedlavey te Belinsuǥuen. Migenat sikandan he wazè dan kegkahandek dutun te edtengtengan sikandan te menge Ehiptohanen