Numero 33:1 - Manobo Western Bukidnon OT

¹ Iyan heini menge lugar he neveyaan te menge Israilihanen hein mid-awè dan en diyà te Ehipto, he iyan pengulu zan si Moises wey si Aaron.

Numero 33:1 Referans Kwoze

Micas 6:4

Impeǥawas ku pa ganì sikiyu ziyà te Ehipto he zutun kew uripena. Ne mibpilì ku si Moises, si Aaron, wey si Miriam te kebpengulu keniyu.

Salmo 77:20

Migiyahan nu is menge etew nu he iring te menge kerehidu, pinaaǥi ki Moises wey ki Aaron.

1 Samuel 12:8

“Hein diyè pa te Ehipto is menge kevuwazan ni Jacob, mibuyù dan te penavang te Nengazen, ne midsuǥù te Nengazen si Moises wey si Aaron he iyan mibpeǥawas kandan diyà te Ehipto ne iyan miduma kandan kayi he tanà.

Josue 24:5

Kedlavey te menge timpu, midsuǥù ku ziyà te Ehipto si Moises wey si Aaron te kedlibri keniyu ziyà, mibpeeǥiyan ku te vangkit is Ehipto ne kegkepasad dutun, impeǥawas ku sikiyu.

Exodus 13:18

Ne tenged kayi, ziyà sikandan ipevayà te Megbevayà te ibayà he ibpehendiyà te Zaǥat he Meriǥà he ziyà ebpekevayà te sibsivayan minsan pa te mekived haazà he zalan. Dutun te kedhipanew te menge Israilihanen puun diyà te Ehipto neǥumeenan sikandan para te kebpekidtebek.

Exodus 12:51

Dutun he andew impeǥawas te Nengazen puun diyà te Ehipto is menge tribu te Israel.

Exodus 12:37

Midhipanew is menge Israilihanen puun te Rameses pehendiyà te Sucot. Ne 600,000 is kahabet te menge maama zutun te nemenhipanew ne zuen pa menge vahi wey menge vatà.

Numero 33:2

Sumalà te suǥù te Nengazen, inlista ni Moises is nengeveyaan dan he menge lugar puun te mibpuunan dan.

Salmo 105:26

Ne zutun midsuǥù din si Moises he suluǥuen din wey si Aaron he pinilì din.

Exodus 6:26

Sikan is Aaron wey Moises he ingkelista kayi te guǥud te menge pemilya iyan en sikan is Aaron wey Moises he migkeǥiyan te Nengazen te, “Dumaha niw is menge Israilihanen pehendiyà te ǥawas te Ehipto.”

Exodus 12:41

Ne netapus haazà is 430 he tuig, ne iyan en andew te ked-awà dutun te menge etew te Nengazen diyà te Ehipto.